Ukrayna Silahlı Qüvvələri Rusiyanın arxa cəbhəsində yeni və qeyri-adi pilotsuz sistemdən ilk dəfə istifadə edib.
Nyus.Az xəbər verir ki, Forbes-in məlumatına görə, Ukrayna qüvvələri bir dronun digər pilotsuz sistemi daşıyaraq düşmən xəttinin dərinliklərinə çatdırılması prinsipinə əsaslanan əməliyyat həyata keçirib.
Hava daşıyıcısı rolunu ağır pilotsuz uçuş aparatı yerinə yetirib. O, ARK-1 adlı yerüstü robot kompleksini Rusiya ordusunun arxa cəbhəsinin dərinliklərinə apararaq orada yerə buraxıb.
Bu sistemin əsas özəlliyi müxtəlif pilotsuz platformaların bir-birini daşıya bilməsidir. Belə ki, ağır ana dron havadan yerüstü robotu hədəf əraziyə çatdırır. Eyni zamanda, belə dronların özlərinin də yerüstü və suüstü robot platformalarından buraxılması mümkündür.
Forbes qeyd edir ki, ABŞ ordusu son 30 il ərzində buna bənzər konsepsiyalar üzərində dəfələrlə təcrübələr aparıb. Lakin amerikalılar nümayiş və sınaq mərhələsindən irəli gedə bilməyiblər. Ukrayna isə bu texnologiyanı artıq real döyüş şəraitində tətbiq edir.
Yeni taktika pilotsuz sistemlərin fəaliyyət radiusunu genişləndirməyə və yerüstü robotları birbaşa Rusiya qüvvələrinin arxa cəbhəsinə çatdırmağa imkan veri (Musavat.com)
Nyus.Az
