Vaşinqton İranla fikir ayrılıqlarını həll etmək üçün "kökə və kötək" yanaşmasından istifadə edir.
Nyus.Az xəbər verir ki, bunu ABŞ vitse-prezidenti J.D.Vens Fox News-a verdiyi müsahibədə deyib: "İranlılar son bir neçə həftə ərzində gəmilərə hücum etməyiblər və neft Hörmüz boğazından axır. Qismən də ona görə ki, ABŞ prezidenti Donald Tramp açıq şəkildə bildirib ki, əgər iranlılar gəmilərə hücum etsələr, biz də onlara cavab hücumu edəcəyik. Bəzən bu məsələdə həm "kökə”dən, həm də "kötək"dən istifadə etməlisiniz".
Vens qeyd edib ki, ABŞ danışıqlar zamanı İrandan həm "müsbət, həm də mənfi siqnallar" görür. O, iki tərəfin diplomatik səylərinin uğurlu olacağına ümid etdiyini bildirib: "Prezident bizə dedi ki, problemi həll edin, danışıqların hara getdiyini görün və əgər diplomatiya uğurlu həll yoluna gətirib çıxarmazsa, hələ də bir çox seçimimiz var və biz hələ də Amerika xalqı üçün çox şey əldə etmişik"(Musavat.com)
Nyus.Az
