ABŞ prezidenti Donald Tramp 2025-ci ildə kriptovalyuta əməliyyatlarından 1 milyard dollardan çox gəlir əldə edib.
Nyus.Az xəbər verir ki, bu, Amerika liderinin 30 iyunda dərc olunmuş gəlir bəyannaməsindən aydın olur.
ABŞ Hökumət Etikası Ofisinin veb saytında yerləşdirilən 927 səhifəlik sənədə görə, Tramp rəhbərləri arasında oğulları Erik Tramp və Donald Tramp Jr. olan World Liberty Financial şirkətinin kriptovalyuta satışından təxminən 500 milyon dollar qazanıb.
Vaşinqton administrasiyasının rəhbəri həmçinin TRUMP rəqəmsal valyutasının satışından təxminən 600 milyon dollar royalti alıb. Onun dəyəri qismən Trampın dəstək səviyyəsindən asılıdır.
Bundan əlavə, Amerika lideri Müqəddəs Kitab, saat, idman ayaqqabısı və onun adını daşıyan müxtəlif növ ətirlərin satışından bir neçə milyon dollar qazanıb.
Reutersin iyun ayında apardığı hesablamalarına görə, Tramp ailəsi ikinci müddətinin əvvəlindən bəri bir sıra kriptovalyuta ilə əlaqəli layihələrdə işdən ən azı 2,3 milyard dollar qazanıb. (Musavat.com)
Nyus.Az
