Ukraynanın Dövlət Sərhəd Xidməti, Silahlı Qüvvələri və Milli Qvardiyası Sumı şəhəri yaxınlığında Rusiya silahlı qüvvələri ilə döyüşə girib. Bu barədə fevralın 24-də Ukrayna Dövlət Sərhəd Xidmətinin mətbuat xidməti öz Facebook səhifəsində məlumat yayıb.
Qeyd olunur ki, Ukrayna hərbçiləri öz mövqelərini tutur. Əldə olan məlumata görə, Rusiya Konotop qəsəbəsi istiqamətindən irəliləyir.
Məlumata görə, bu arada Rusiya hərbçiləri M02 Kiyev-Moskva magistralının Sumı rayonu daxilində olan hissəsini nəzarətə götürüb. Axtırkada da döyüşlər gedir. Bu barədə Sumı Regional Dövlət Administrasiyasının rəhbəri Dmitri Jivitski məlumat verib.
"Bu gün Sumı vilayətinin ərazisində vəziyyət ağırdır. İndi Axtırka şəhərində döyüşlər gedir, Konotopda, Sumı yaxınlığında döyüş gedirdi, Qluxov şəhərindən isə "tranzitlə" keçiblər", - o bildirib.
Bundan əvvəl sərhədçilər Rusiya ordusunun Luqansk, Çerniqov, Sumi, Xarkov, Jitomir, Xerson, Odessa vilayətləri, Qara dənizdəki Zmeyinı adası və irəlilədiyini bildirmişdilər.
virtualaz.org
