Gecələr yata bilmirsiniz və bunun səbəbini yalnız stress hesab edirsinizsə, bəlkə də məsələ başqadır. İngiltərədə aparılan yeni bir araşdırma göstərib ki, gündə kifayət qədər su içməmək, bədəndə stres hormonunun - kortizolun səviyyəsini əhəmiyyətli dərəcədə artırır və bu da yuxusuzluğa səbəb ola bilər.
Tədqiqatda sağlam gənclər iki qrupa bölünüb:
Kifayət qədər su içənlər
Az su içənlər (gündə 1,5 litrdən az)
Bir həftə ərzində onların qan və sidik nümunələri izlənib, daha sonra stress yaradan testlərə (müsahibə simulyasiyası və riyazi tapşırıqlar) məruz qalıblar.
Az su içən qrupda kortizol səviyyəsi təxminən 50% daha yüksək olub. Maraqlıdır ki, bu şəxslər özlərini "susuz" hiss etdiklərini deməyiblər - yəni bədən susuzluğu dərhal hiss etdirməyə bilər.
Susuzluq zamanı vazopressin adlı hormon aktivləşir. Bu hormon beyinlə əlaqəyə girərək stress sistemlərini hərəkətə gətirir və kortizolun artmasına səbəb olur. Uzun müddətli kortizol artımı isə:
Ürək-damar xəstəlikləri
Diabet
Depressiya ilə əlaqələndirilir.
Professor Neil Walsh bildirib ki, "yüksək kortizol reaksiyası uzun müddətdə ciddi sağlamlıq problemlərinə yol aça bilər". Buna görə də, su içmə vərdişi qazanmaq təkcə susuzluğun qarşısını almaq deyil, həm də sağlam qalmaq üçün vacibdir.
Susuzluğa Qarşı Sadə Tövsiyələr
Yanınızda daim su şüşəsi gəzdirin.
Sidiyin rənginə diqqət edin - tünd rəng bədənin susuz qaldığını göstərə bilər.
Günlük su qəbulunu artırın, xüsusən də stressli dövrlərdə şüurlu şəkildə su için.//Milli.Az//
Nyus.Az
