Əgər yuxu keyfiyyətinizin yaxşı olmadığını düşünürsünüzsə, Dr. Sara Marin Barbell sosial şəbəkələrdə elmi əsaslı, sadə yuxu tövsiyələri ilə bələdçi paylaşır.
Mütəxəssis bildirir:
"Əgər gecəni saat 11-dən sonra yatağa gedirsinizsə, dörd həftə ərzində təsirini hiss edəcəksiniz".
Gec yatmağın nəticələri nələrdir?
Gec yatmaq zərərsiz bir vərdiş kimi görünsə də, ardıcıl olaraq bu rejimlə yaşamaq sağlamlığa ciddi təsir göstərir.
Birinci həftədə insan özünü daha yorğun hiss edir. Hər şey sakit başlayır, amma melatonin (yuxu hormonu) azalır, kortizol (stres hormonu) isə artır.
Bu, ümumi rifahın zəifləməsinə və iştahın artmasına səbəb olur.
İkinci həftədə böyümə hormonu azalır, əzələlərin bərpası yavaşlayır. Uşaqlarda isə bu, hətta böyümənin ləngiməsinə gətirib çıxara bilər.
Üçüncü həftə kritik mərhələdir. Beyin artıq gündəlik əmələ gələn toksinlərdən təmizlənmir.
Ekspert xəbərdarlıq edir: "Beyniniz özünü yeməyə başlayır".
Dördüncü həftədən etibarən beyin tam balanssızlıq vəziyyətinə düşür. Leptin (toxluq hissi verən hormon) azalır, qrelin (aclıq hormonu) isə artır. Nəticədə, insan daimi aclıq hiss edir, xüsusilə yağlı və şəkərli qidalara qarşı güclü istək yaranır.
Eyni zamanda bağırsaq mikroflorası da zərər görür.
Keyfiyyətli yuxu üçün həkimin 5 tövsiyəsi:
Dr. Marin Barbell aşağıdakı sadə qaydalara əməl etməyi tövsiyə edir:
Saat 23:00-dan gec yatmayın.
Çünki melatonin istehsalı bu saatdan sonra pozulur. Bu hormon toxumaların bərpası və maddələr mübadiləsi üçün həyati əhəmiyyət daşıyır.
Otağın temperaturu 18-20°C arasında olmalıdır.
Tam qaranlıqda yatmaq melatonin səviyyəsini artırır.
Yatmazdan 1 saat əvvəl telefon və elektron cihazlardan uzaq durun.
Bu cihazlardan yayılan mavi işıq yuxuya getməyi gecikdirir.
Axşam yeməyini yüngül edin və saat 21:00-dan əvvəl yeyin.
Xüsusi hallarda və həkim nəzarəti altında, bəzi əlavələr tövsiyə oluna bilər:
Maqnezium bisqlisinat
L-theanin
Ashvaqandha
Uzadılmış təsirli melatonin//Milli.Az
Nyus.Az
