Sıyıqlar, tərəvəzlər, meyvələr, qoz-fındıq, bitki yağları və yağlı balıqların qanda xolesterinin səviyyəsini azaltmağa kömək edir.
Bu barədə diyetoloq İrina Pisareva pəhriz lifi ilə zəngin qidaların xolesterol səviyyəsini aşağı salmaqda mühüm rol oynadığını bildirib. O, pəhrizində bu cür qidaları olan insanların xüsusilə də yulaf əzməsi, qarabaşaq yarması və tam taxılları əlavə etmələrinin faydalı olduğunu vurğulayıb.
Pisareva həmçinin, qanında yüksək xolesterol olan şəxslərin qida rasionunda "omeqa-3" kimi doymamış yağ turşularının olması lazım olduğunu bildirib. Bu yağ turşuları bitki yağları, qoz-fındıq, avokado və yağlı balıqlarda bolca mövcuddur. Dietoloq, insanlara həftədə ən azı iki və ya üç dəfə balıq yeməyi tövsiyə edir, çünki bu, xolesterol səviyyəsinin idarə olunmasına kömək edə bilər.
Bundan əlavə, Pisareva bəzi hallarda həkimlərin "omeqa-3" tərkibli qida əlavələri və ya dərmanlar təyin etdiyini də qeyd edib. Bu maddələr, xolesterinin tənzimlənməsində və ürək-damar sağlamlığının qorunmasında əhəmiyyətli rol oynayır. Cənubi Kaliforniya Universitetinin Kek Tibb Məktəbinin alimlərinin apardığı tədqiqatlara əsasən, xolesterinin oksidləşməsi beyin hüceyrələrində iltihaba və yaşlanmaya səbəb ola bilər. Bununla yanaşı, xolesterinin oksidləşməsi Alzheimer xəstəliyinin inkişafında mühüm rol oynayır və beyindəki funksiyaların pisləşməsinə gətirib çıxarır.
Pisareva xolesterol səviyyəsinin yüksək olmasının yalnız ürək-damar xəstəlikləri riskini artırmadığını, eyni zamanda beyin sağlamlığını da təhdid etdiyini bildirib. Bu səbəbdən sağlam qidalanma, düzgün pəhriz və mütəmadi olaraq balıq və "omeqa-3" ilə zəngin qidaların qəbul edilməsi həm ürək, həm də beyin sağlamlığı üçün çox vacibdir.
Asya
Milli.Az
