Narın adı gəldikdə, dəqiq cavabı olmayan bir sual yaranır - bu meyvəni tumlu yemək lazımdır, yoxsa tumsuz?
Nar həvəskarları iki kateqoriyaya bölünür - bəziləri onu çəyirdəkləri ilə birlikdə yeyir, bəziləri isə yox. Bəs daha doğru üsul hansıdır?
Nyus.Az oxu.az-a istinadən xəbər verir ki, nar toxumlarında antioksidan xüsusiyyətlərə malik polifenollar, vitaminlər və müxtəlif üzvi turşular var. Ənənəvi Çin təbabəti nəzəriyyəsinə görə, narın toxumları ilə birlikdə istifadəsi mədə-bağırsaq traktına faydalı təsir göstərir, yəni: ishalı aradan qaldırır, həzmi yaxşılaşdırır və iştahı artırır. Bundan əlavə, çəyirdəkləri çeynəmək ağızda iltihabla mübarizə aparmağa kömək edir və dişləri gücləndirir.
Ancaq unutmayın ki, nar dənələri həm də kifayət qədər sərtdir və onları yaxşıca çeynəmək lazımdır. Nar toxumlarının həzmə kömək etməsinə baxmayaraq, həzm edilməsi çətin olan bir maddədir. Bəzən narın tumları bağırsaqda toplana və qəbzlik yarada bilər.
Odur ki, narın necə yeyilməsi sualına cavab fərdi xarakter daşıyır. Əgər bu, sizin üçün heç bir problem yaratmırsa, o zaman narı çəyirdəyilə birlikdə yemək daha faydalıdır. Yox, əgər yaradırsa, demək ki, sizin üçün əlverişli variant narı yeyərkən çəyirdəyini çıxarmaq və ya bu meyvənin özünü yox, şirəsini içməkdir.
Nyus.Az
