3500 illik qəbiristanlıqda qazıntı aparan arxeoloqlar "ölülərə axirətdə kömək edən" Qədim Misir dönəminə aid "Ölülər kitabı" tapıblar.
Nyus.Az teleqraf.com-a istinadən bildirir ki, kitab Misirin Tuna əl-Gəbel qəbiristanlığında aşkar edilib, təxminən 43-49 fut (13-15 m) uzunluğundadır.
Tədqiqatçıların fikrincə, belə kitablar Qədim Misirdə dəfnlərin bir hissəsi, onlardakı "sehrlər"i axirətdə fövqəltəbii sığortanın bir forması sayılırdı.
Kitab e.ə. 1550-1070-ci illərdə Yeni Krallıq dövründə əsası qoyulmuş ərazidə tapılan yeganə xəzinə deyil. Arxeoloqlar yüksək vəzifəli şəxslərə aid olduğu iddia edilən mumiyalar da tapıblar. Onların bəziləri hələ də yaxşı qorunub saxlanılan naxışlı daş sarkofaqlardadır. Aralarında baş kahinin qızı Ta-de-İsanın mumiyası da var.
Qazıntılar zamanı həmçinin mumiyalama zamanı bəzi orqanların saxlanması üçün istifadə edilən nadir alebastr kanopları və minlərlə gözmuncuğu aşkar edilib.
Tədqiqatçılar deyirlər ki, "Ölülər kitabı"nın nüsxəsini tapmaq o qədər də nadir deyil. Ancaq belə bir şeyin olduğu məzarda başqasına rast gəlmək çox nadirdir.
Təəssüf ki, tapılan kitabda məlumat azdır, amma elm adamları bunun böyük və maraqlı tapıntı olduğunu düşünürlər.
Nyus.Az
