Transyağlar heyvanların orqanizmdə mövcud olan doymamış yağlar qrupudur, eyni zamanda sənaye üsulu ilə istehsal olunur. Ən böyük təhlükəni məhz süni transyağlar, eləcə də onların istifadə olunduğu məhsullar təşkil edir. Gündəlik qişda rasionunda transyağ turşularının qəbulu müxtəlif xəstəliklərin əmələ gəlməsinə səbəb ola bilər.
Nyus.Az AZƏRTAC-a istinadən xəbər verir ki, həkim-terapevt Zakir Əliyev deyib: "Yüksək miqdarda transyağlardan istifadə edənlərdə miokard infarktı və şəkərli diabet riski başqalarına nisbətən daha yüksəkdir. Onların xərçəng yaratmaq qabiliyyəti, konserogen təsiri var və qadın sonsuzluğuna ciddi şəkildə təsir edir. Ümumiyyətlə, transyağların qida rasionundan maksimum dərəcədə uzaqlaşdırılması sağlamlıq üçün çox vacibdir".
Bu qədər təhlükəni özündə birləşdirən həmin yağlardan çoxları xəbərsizdir. Paketlənmiş hər hansı qidanın transyağa malik olub-olmadığını öyrənmək məqsədilə etiket məlumatlarını və məhsulun tərkibi barədə məlumatların qeyd edildiyi bölmələri diqqətlə oxumaq lazımdır. Belə ki, bəzi qablaşdırma məmulatlarında "transyağ" əvəzinə "hidrogenləşdirilmiş bitki yağı" ifadəsi yazılır. Amma bu da son deyil. Əslində 1 kiloqram təmiz kərə yağı almaq üçün 20 litr süd lazımdır. Natural südü sərəndə bir sutkadan sonra onun üzərində qaymaq əmələ gəlir.
Təmiz yağı fərqləndirmək üçün digər üsul eyni temperaturda olan yağların əllə sıxılmasıdır. Hansı yağ bərkdirsə, həmin məhsul kərə yağına daha yaxındır. Təmiz kərə yağını kəsəndə parçalanıb tökülməlidir.
Nyus.Az
