Azərbaycanda kütləvi dava - ölənlər və yaralanan var
12.12.2022
Gəncədə ötən gün baş verən silahlı insidentdə bıçaqlanan şəxs ölüb
Gəncə şəhərində baş verən silahlı insidentdə bıçaqlanan Niyazi Bayramov dünyasını dəyişib.
Bu barədə Daxili İşlər Nazirliyindən məlumat verilib.
Xatırladaq ki, ötən gün Gəncədə 4 nəfər arasında baş vermiş mübahisə zamanı Əli Bayramov və onun 2000-ci il təvəllüdlü oğlu Ayxanın tanışları 1994-cü il təvəllüdlü Niyazi Bayramov və sonuncunun qardaşı 1986-cı il təvəllüdlü Kamal Bayramova bıçaq xəsarətləri yetirməsinə, K.Bayramovun isə buna cavab olaraq odlu silahdan atəş açaraq Əli Bayramovu qəsdən öldürməsinə əsaslı şübhələr müəyyən edilib.
Prokurorluq və polis əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib.
Niyazi və Kamal xəstəxanaya yerləşdirilib.
Faktla bağlı Gəncə şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Hazırda iş üzrə istintaq davam edir.
----------------
11.12.2022
22:40
Gəncədə bir nəfərin ölümü, iki nəfərin ağır xəsarət aldığı davanın təfərrüatları məlum olub.
Nyus.Az APA-ya istinadən bildirir ki, pul üstündə baş verən dava zamanı güllələn Əli Bayramov ingilis dili müəllimi olub.
Ə. Bayramov 3 uşaq atası idi. Davaya səbəb isə onun qohumları olan iki qardaş - Kamal və Niyazi Bayramovlardan aldığı 1000 manat pulu qaytarmaması olub.
Hazırda araşdırma aparılır.
---------
21:40
Dekabrın 11-i saat saat 20 radələrində Gəncə şəhərində 1980-ci il təvəllüdlü Əli Bayramovun qəsdən öldürülməsi barədə məlumat daxil olub.
Bu barədə bazar günü Baş Prokurorluq və Daxili Ìşlər nazirliyinin Mətbuat xidmətlərinin birgə məlumatında deyilir.
Məlumata əsasən, aparılmış araşdırmalarla 4 nəfər arasında baş vermiş mübahisə zamanı Əli Bayramov və onun 2000-ci il təvəllüdlü oğlu Ayxanın tanışları 1994-cü il təvəllüdlü Niyazi Bayramov və sonuncunun qardaşı 1986-cı il təvəllüdlü Kamal Bayramova bıçaq xəsarətləri yetirməsinə, K.Bayramovun isə buna cavab olaraq odlu silahdan atəş açaraq Əli Bayramovu qəsdən öldürməsinə əsaslı şübhələr müəyyən edilib.
Prokurorluq və polis əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib.
Niyazi və Kamal xəstəxanaya yerləşdirilib, stasionar şəkildə müalicəsi davam etdirilir.
Faktla bağlı Gəncə şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Hazırda iş üzrə istintaq davam edir.
---------
21:24
Gəncədə kütləvi dava zamanı ölən və xəsarət alanların adları məlum olub.
Nyus.Az APA-ya istinadən bildirir ki, hadisə zamanı 1980-ci il təvəllüdlü Əli Məmmədov qətlə yetirilib.
1986-cı il təvəllüdlü Kamal Bayramov və 1994-ci il təvəllüdlü Niyazi Bayramov bıçaqlanaraq ağır xəsarət alıblar. Hadisənin tərəflər arasında olan borc pul üstdə baş verdiyi deyilir.
---------
21:09
Gəncədə kütləvi dava olub.
Nyus.Az APA-ya istinadən bildirir ki, hadisə şəhərin Cavad Xan küçəsində qeydə alınıb.
Dava zamanı bir nəfər güllənərək öldürülüb, iki nəfər bıçaqlanıb.
Bıçaqlanan şəxslər ağır vəziyyətdə xəstəxanaya yerləşdirilib.
Kütləvi davada qətlə yetirilən şəxs "Vinçester" markalı tüfənglə güllələnib.
Hadisə yerinə hüquq-mühafizə orqanlarının əməkdaşları cəlb olunub.