ABŞ prezidenti Donald Tramp Pentaqon katibi Pit Heqsetə Koreya Respublikası ilə birgə hərbi təlimlərin azaldılmasını tapşırıb.
Nyus.Az xəbər verir ki, məlumatı Tramp özünə məxsus Truth Social hesabında açıqlayıb. O, bu addımını təlimlərin Şimali Koreyaya "düşmən siqnalı" göndərməsi ilə izah edib. Tramp Şimali Koreya lideri Kim Çen Inla "çox yaxşı münasibətlərinin" olduğunu təkrarlayıb və ABŞ-ın Koreya Respublikası ilə birgə hərbi təlimlərdə iştirak etməyə çoxdan razılıq verməsindən narazılığını bildirib: "Bu təlimlər təkcə baha başa gəlmir, çünki həmişəki kimi, ABŞ xərclərini ödəyir, həm də Donald Trampın prezidentliyi dövründə heç bir təhlükə yaratmayan və hörmət göstərən bir ölkəyə tamamilə uyğunsuz və düşmən siqnalı göndərir. Buna görə də onları (təlimləri – red.) ləğv etmək üçün çox gec olduğunu nəzərə alaraq, müdafiə naziri Pit Heqsetə birgə hərbi təlimləri əhəmiyyətli dərəcədə azaltmağı tapşırmışam!"
Tramp həmçinin qeyd edib ki, bu yaxınlarda Koreya Respublikası prezidentindən ölkəsinin "İranın nüvəsizləşdirilməsində" ABŞ-a qoşulmaq istəyib-istəmədiyini soruşub və o, "Xeyr, təşəkkür edirəm!" cavabını verib. (Musavat.com)
Nyus.Az
