ABŞ Müdafiə Nazirliyi daxili araşdırmada 2025-ci ildə Amerika qüvvələrinin Yəməndə həyata keçirdiyi zərbələrdə 150-dən çox mülki şəxsin öldürüldüyü qənaətinə gəlib.
Nyus.Az The Washington Post qəzetinə istinadən xəbər verir ki, Pentaqonun araşdırması nəticəsində 2025-ci ildə Yəməndə silahlı qruplara qarşı əməliyyat zamanı ABŞ-ın hava hücumlarında 153 mülki şəxsin öldüyü və təxminən 250 nəfərin yaralandığı müəyyən edilib. Nəşr vurğulayır ki, bu, ABŞ Müdafiə Nazirliyinin bu münaqişədə döyüşlərdə iştirak etməyənlərə ciddi zərər vurmaqda məsuliyyət daşıdığına dair ilk etirafdır.
Məqaləyə görə, Pentaqon bu araşdırmanın nəticələrini yaxın aylarda dərc etmək niyyətindədir. Söhbət yalnız ABŞ-ın Yəməndəki zərbələrindən gedir, İrana yox.
Qeyd edək ki, 2025-ci ilin mart ayında ABŞ prezidenti Donald Tramp ABŞ ordusuna Qırmızı dənizdə gəmilərə hücum edən Yəmən üsyançı hərəkatı Ənsar Allahdan olan Husi qüvvələrinə qarşı döyüş əməliyyatlarına başlamağı əmr edib. 2025-ci ilin may ayında Tramp Husilərin Qırmızı dənizdə gəmilərə hücumu dayandırmağa razılaşdığını bəyan edərək atəşkəs elan edib. (Musavat.com)
Nyus.Az
