Abşeron rayon Qobu qəsəbə sakinləri yaxınlıqda yerləşən kərpic zavoddan havaya buraxılan tüstüdən narahatdırlar. Bu səbəbdən həm ətrafı tüstü qatı bürüyür, həm də toz topaq yayılır.
Nyus.Az xəbər verir ki, sakinlərin iddialarına cavab olaraq Qobu Kərpic Zavodunun nümayəndəsi Əli Novruzov bildirildi ki, zavodda mütəmadi olaraq həm Ekologiya və Təbii Sərvətlər Nazirliyindən, həm də Fövqaladə Hallar Nazirliyindən davamlı yoxlama tədbirləri keçirilir.
"Həmin görüntülər ötən ilin dekabrında çəkilib, bu ilin mart ayında isə zavodda müasir standartlara cavab verən toztutucu avadanlıq quraşdırılıb. Ətrafdakı yaşayış hissələri isə sonradan tikilib.
Köhnə zavodun istehsalat gücü 20min-18min kərpicə çatır. O qurğuda sırf zəhərli maddəni tam götürmək üçündü, bütün hissəcikləri Türkiyədən gəlir. Burda quraşdırılıb, sistem tam şəffaf işləyir. Amma ordakı evlərin sənədi yoxdur. Ekologiya və Təbii Sərvətlər Nazirliyi bura sənaye torpağı olduğu üçün lisenziyanı verir".
Məsələ ilə bağlı ETSN-dən bildirildi ki, araşdırılma aparılacaq.
Aysel Əkbər //milli.az//
Nyus.Az
