Redaksiyamıza daxil olan məlumatlar Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyində rəhbərlik məsələsi ətrafında ciddi sualların meydana çıxdığını göstərir.Məlumatlarda, Birliyin baş direktoru, professor Ədalət Həsənov ilə Komisyon Ekspertizalar şöbəsinin rəisi Cavid Cahangirov arasında münasibətlərin heç də hamar olmadığı bildirilir.
Daha ciddi iddia isə budur: Cavid Cahangirov baş direktor postuna keçmək üçün müəyyən əlaqələrini və imkanlarını işə salır.mediatvaz.com xəbər verir ki, dövlət qurumunda rəhbər vəzifəyə kimin gətirilməsi şəxsi münasibətlər, tanışlıq və ya qeyri-rəsmi lobbiçiliklə deyil, peşəkarlıq, idarəçilik bacarığı və qanunvericilikdə nəzərdə tutulan prosedurlar əsasında həll edilməlidir.Əks halda ortaya çox ciddi sual çıxır: Vəzifəyə layiq görülmək üçün peşəkar göstəricilər kifayət etmir, əlavə “əlaqələr” də lazımdırmı? Məhkəmə-tibbi ekspertiza sıradan inzibati sahə deyil. Burada hazırlanan ekspert rəyləri müxtəlif cinayət və mülki işlər üzrə mühüm hüquqi nəticələr doğura bilər.Bu səbəbdən həmin qurumun daxilində rəhbərlik uğrunda mümkün qarşıdurma barədə məlumatların ortaya çıxması avtomatik olaraq ictimai maraq kəsb edir. Əgər bu qurumda problem varsa, onun mahiyyəti də ictimaiyyətdən gizlədilməməlidir.Səhiyyə Nazirliyinin qarşısında kifayət qədər konkret suallar var:Birliyin rəhbərliyinin dəyişdirilməsi ilə bağlı hər hansı qərar və ya müzakirə varmı,Cavid Cahangirovun baş direktor vəzifəsinə namizədliyi məsələsi müzakirə olunurmu,Birliyin daxilində rəhbərliklə bağlı fikir ayrılığı və ya kadr konflikti barədə Nazirliyə məlumat daxil olubmu,rəhbər vəzifələrə təyinat zamanı hansı meyarlar əsas götürülür? Qurumda hər hansı şəxsin qeyri-rəsmi əlaqələr və təsir imkanları vasitəsilə vəzifə əldə etməyə çalışması barədə məlumat varmı? Bu sualların cavabı bir çox məqamı aydınlaşdıra bilər.
Redaksiya hər iki şəxsin və Səhiyyə Nazirliyinin mövqeyini dərc etməyə hazırdır. (Mediatvaz.com)
Nyus.Az olaraq məqalədə qaldırılan iddialarla bağlı qarşı tərəfin mövqeyini işıqlandlrmağa hazırıq!
Nyus.Az
