[/center]Mərhum Xalq artisti Yalçın Rzazadənin oğlu Mətin açıqlaması ilə diqqət çəkib.
Verilişlərin birində qonaq olan mərhum sənətkarın oğlu atası ilə bağlı maraqlı və düşündürücü məqamlara toxunub.
Mətin bildirib ki, atası ona sənət yolunda xüsusi dəstək göstərməyib:
"Atam mənə bu sənətdə dəstək olmayıb, kiməsə nəyəsə görə tapşırmayıb. Deyib ki, istedadın varsa, özün irəli gedəcəksən".
O, həmçinin atasının sənət yolunu davam etdirməyin böyük məsuliyyət olduğunu vurğulayıb:
"Onun sənət yolunu davam etdirmək çox böyük məsuliyyətdir. Atamın mahnılarını ifa edəndə də, etməyəndə də müzakirələr qaçılmaz olur. Onun mahnılarını oxuyanda deyirlər Mətin belə oxudu, oxumayanda isə deyirlər niyə oxumadı".
O, sonda isə izləyicilərə müraciət edərək belə deyib:
"O mənim baş tacımdır, amma məni özümə görə - Mətin kimi ifalarımı dəyərləndirin".
Qeyd edək ki, açıqlama sosial şəbəkələrdə də geniş müzakirələrə səbəb olub./milli.az/
Nyus.Az
