"Çalışıram qızlarımla rəfiqə olum. Amma rəfiqə olmaq o demək deyil ki, onlar əndazədən çıxmalıdır. Mən valideynəm və onun kimi qalmalıyam. Övladdır, nə qədər səmimi olsaq, desək, gülsək, bölüşsək də, müəyyən şeylər var ki onu mənə qarşı istifadə edə bilməzlər. Kiçik yanlışlıq etsəm belə, icazə vermərəm onu dilə gətirsinlər. Mən bunu belə məsləhət bilmişəm. Lazım olsa, izah edəcəyəm".
Nyus.Az xəbər verir ki, bu sözləri Əməkdar artist Vəfa Zeynalova "Qapqara" yutub layihəsində deyib. Aktrisa əkiz qızları Lalə və Səbinədən danışıb.
V.Zeynalova uşaqlara qadağa qoyulmamaması ilə bağlı fikirlərə etiraz edib:
"Son vaxtlar bizə türklərdən gəldi ki, uşağa söz demək olmaz. Psixologiyası pozulur. Bunu qəbul edə bilmirəm. Uşaq uşaqlığını bilməli və yaşamalıdır. Amma yerində. Uşaq "yox" sözünü bilməlidir. Uşaq bilməlidir ki, bu olar, bu olmaz. Heç nə demə, dağıtsın töksün - qəbul edə bilmərəm. Mənə də qadağalar olub. Bu tərbiyəni də evimə daşımışam. Mənim uşaqlarımın öz otağı var idi, dərsdən gəldilər, yedilər və otaqlarına gedirdilər. Rəfiqələrim gəlirdisə, söhbət edirdilərsə, onların bizə müdaxilə etməyə ixtiyarları yox idi. İndi hansısa rəfiqə ilə söhbət edirəm, uşaq imkan vermir. Deyirəm, bu nədir? Qayıdırlar, uşağa etiraz etmək olmaz. Qoy, mənə gerifikirli desinlər. Uşaq öz yerini bilməlidir". (axşam.az)
Nyus.Az
