"Televiziyada şou çoxdur. Boynumuza alaq ki, şou hesabına başqa verilişlər dolanır. Şouya pul gəlir, onun əvəzinə xəbər və maarifləndirici proqram dolanır. Şounun da səviyyəsi olmalıdır. Şəxsi həyatı daim qabartmaq, gəlin, qayınana, ər, arvad mövzusunu gündəmə gətirmək... Bunu deyəndə kiminsə hədəfinə çeviriləcəyəm, çünki belə verilişim olub. Bunun tarazlığı saxlanılımalıdır. Televiziya qarşısına tələb qoyulub: əyləncə və xəbər mütənasib olsun. Məncə, səviyyəsinə də fikir verilməlidir".
Nyus.Az xəbər verir ki, bu sözləri aparıcı Ülvira Qarayeva "Qapqara" yutub layihəsində deyib. Aparıcı telekanallardakı verilişlərdən danışıb. O bildirib ki, kanallarda şou xarakterli verilişlər çoxdur.
Ü.Qarayeva qızından danışıb. O bildirib ki, övladının telefonunu gizli yoxlayırmış:
"Uşağa daim nəzarət etmək lazımdır. Nə şəxsi? Sirri olmasına çalışa bilər. Qızımın telefonu yoxlayırdım. Deyirdim, telefonu otağına aparma, çöldə qoy, yuxunu rahat al. Telefonun içini, yazdıqlarını yoxlayırdım. Çantasını yoxlayırdım, kiminlə dostluq etdiyini öyrənirdim. İndi 26 yaşı var, rahat yaşayır. Amma məktəbdə oxuyanda onu düz yolda saxlamalıydım. Özü bilsə də, bilməsə də uşağın hər şeyini yoxlamalısan. Müəyyən yaşa qədər. Burax onun sirri olsun, hara istəyir getsin? Elə olmur. Qızım böyüyüb, deyirəm bəlkə səni çox sıxmışam? Deyir, yaxşı ki, sıxmısan. İndi həyatını rahat yaşayır, ondan rahatam. Onun üzərində heç bir idarəm yoxdur. Həkimdir, pulunu özü qazanır". (Axşam.az)
Nyus.Az
