Şəbnəm Tovuzlu yenidən qalmaqallı açıqlaması ilə gündəmə gəlib.
"Rəngarəng" verilişinin qonaqları olan tanınmış müğənnilər Şəbnəm Tovuzlu və Ali Pormehr aparıcı Zaur Nəbioğlu ilə maraqlı və gərgin bir müzakirə zamanı qalmaqallı açıqlama veriblər.
Zaur Nəbioğlunun qonaqlara ünvanladığı "Nəfəsin belə bir sözünü eşitdim: "Şou biznesin bu gün ən çox fanat kütləsi olan şəxsi mənəm" cümləsi ilə razısınızmı?" sualına Ali Pormehrin cavabı kəskin olub.
O, "Orta səviyyədə işlər görür, mahnılar oxuyur. Nəfəs 6 ay, 1 il mahnı buraxmasa, klip çəkməsə Nəfəs adlı bir kəs olmaz həyatda"- deyə bildirib.
Bu fikirləri ilə razılaşan Şəbnəm Tovuzlu isə cavabında "Sizin heç birinizin Damla və Şəbnəm qədər fanat ordunuz olmayıb, olmayacaq da" deyərək, öz müğənni karyerasının və fanat kütləsinin gücünü vurğulayıb.
Bu açıqlamalar sosial şəbəkələrdə geniş müzakirə mövzusu olub, müğənnilərin fanat ordusu ilə bağlı fikirləri şou-biznesin pərəstişkarları arasında maraqla qarşılanıb.
Asya
Milli.Az
