Keçən ilin avqust ayında beyin qanaması keçirdiyi iddia edilən və bir neçə gün əvvəl saçlarını qırxdıraraq imic dəyişikliyi ilə gündəmə gələn məşhur türkiyəli aktyor Peker Açıkalın, xəstəxana otağından ardıcıl paylaşımlar edib.
Nyus.Az xəbər verir ki, son paylaşdığı videoda "Damarlarımı tapmadılar" deyə şikayətlənən Açıkalın'ın görüntüsü, pərəstişkarlarında narahatlıq yaradıb.
Türk televiziya tarixinə "Avrupa Yakası" serialındakı Gaffur obrazı ilə damğa vuran Peker Açıkalın, son zamanlar sağlamlıq problemləri ilə gündəmdədir.
Bir neçə saat əvvəl isə xəstəxana otağından daha bir paylaşım edərək narahatlıq yaradıb:
"Dünən axşam damarımı tapmadılar, necə tapmadıqlarını da bilmirəm. Halbuki kifayət qədər damar var... İynə ilə girib sondaj etdilər, mən də bunu dantel işi kimi saxladım, yəni təzyiq məsələsi hesabına."
Peker Açıkalın hələ də xəstəxanada müalicə alır və vəziyyəti pərəstişkarları tərəfindən böyük narahatlıqla izlənir.//Milli.az//
Nyus.Az
