"İçimdə heç kimin tanımadığı bir Mehriban var. Onu heç kəs də tanımayacaq. Mehribanı zahirən soyuqqanlı, sərt, çərçivəli, zarafatlaşmağı sevməyən biri kimi tanıyırlar, əslində isə elə deyil".
Nyus.Az xəbər verir ki, bu sözləri Xalq artisti Mehriban Zəki "Mədəni şou"da deyib. O, daxili dünyası ilə bağlı maraqlı etiraflar edib.
"Mən heç özüm özümü yaxşı tanımıram. O tanımadığım cəhətlər bəzən özümə ekstremal vəziyyətlərdə açılır. Onu kəşf edirəm, hörmət edirəm. Çünki çox qeyri-adi bir qadındır. Sirli, möcüzəli, zarafatcıl biridir. Üç il əvvəl keçirtdiyim həmin qəzadan sonra özümə bilmədiyim cəhətlərim üzə çıxdı. Sən demə, çox dözümlü, səbrliyəm və ağrımı göstərməyi sevmirəm".
Qeyd edək ki, Mehriban Zəki martın 22-si Abşeron rayonu Saray qəsəbəsində baş verən yol-nəqliyyat hadisəsi zamanı xəsarət alıb. Həmin qəza zamanı Əməkdar mədəniyyət işçisi Oqtay Əliyev vəfat edib, həyat yoldaşı, Əməkdar artist Dilarə Əliyeva da yüngül bədən xəsarətləri alıb. (Axşam.az)
Nyus.Az
