Bakıda uzaq qohumunu qətlə yetirməkdə təqsirləndirilən görmə məhdudiyyətli Qulu Abbasovun cinayət işinin ilk məhkəmə baxışı keçirilib.
Nyus.Az oxu.az-a istinadən xəbər verir ki, Bakı Ağır Cinayətlər Məhkəməsinin hakimi Vuqar Seyidovin sədrliyi ilə keçirilən iclasda təqsirləndirilənin vəkili müdafiə etdiyi şəxsin fiziki qusurlu, yəni görmə məhdudiyyətinin olduğu üçün onun barəsində seçilmiş həbs qətimkan tədbirinin alternativ tədbirlə əvəz olunması ilə bağlı vəsatət təqdim ediи.
Buna münasibət bildirən prokuror törədilən cinayətin iсtimai təhlükəliliyini nəzərə alaraq, vəsatəti əsassız sayıb. Məhkəmə vəsatəti təmin etməyib.
Daha sonra proses dövlət ittihamçısının ittihamı elan etməsi ilə davam edib. Elan olunmuş ittihama görə Qulu Abbasov özunü qismən təqsirli bilərək, sərbəst ifadəsi zamanı baş verən qanlı cinayətə aydınlıq gətirib.
O, ifadəsində bildirib ki, hadisə 5 il əvvəl, mərhum Xanlar Əmirov onun görmə məhdudiyyətli olmağından sui-istifadə edərək ailəsinin qadın üzvlərindən birinə qarşı qeyri-etik hərəkət etməsi olub.
Məsələ ilə bağlı Qulu Abbasov Xanlar Əmirovla bir neçə dəfə mübahisə etsə də, onun əmisi oğlu tərəfindən müdaxilə olunduğundan insidentin qarşısı alınıb.
Tərəflər arasındakı sonuncu qanlı insident isə Qulu Abbasovun qonşusu olan Taleh adlı şəxsin evində baş verib. Təqsirləndirən şəxs ifadəsində bildirib:
"Qonşum Talehlə süfrə arxasındaydıq, spirtli içki də qəbul etmişdik. Söhbət əsnasında Xanların da ora gələcəyini eşitdim. Gözlərim görməsə də Talehin evindəki masanın üstündəki qutuda həmişə bir neçə bıçaq oldugunu bilirdim. Fürsət edib bıçaqlardan ikisini götürüb köynəyimin qollarında gizlətdim".
Prokuror bıçaqları nə məqsədlə götürdüyünü soruşanda təqsirləndirilən qeyri-səmimi cavab verərək, evinə aparmaq istədiyini deyib.
Prokurorun "Evində bıçaq yox idi bəyəm?" sualı isə Qulu Abbasov tərəfindən cavablandırılmayıb.
Hadisənin baş vermə anına gəlincə isə, təqsirləndirilən bildirib ki, bu ilk olaraq Xanlar Əmirovun ona sataşmasından sonra olub.
"Biz hamımız masa arxasında əyləşmişdik. Elə vəziyyət yarandı ki, mən masa arxasında durub çıxmaq istədim. Buna görə Xanlarla masa arasındakı dar yerdən keçməliydim. Bu an Xanlar qəsdən ayağı ilə yolumu kəsdi və getməyimə imkan vermədi. Büdrəyib çətinliklə keçəndən sonra mübahisəyə başladıq. Təxminən onun üzərində bıçağın olduğunu hiss etmişdim. Hiss etdim ki, o məni bıçaqla vuracaq. Görmədiyim üçün onun hücumuna qarşılıq olaraq onu bıçaqla vurdum. Bıçağın sındıgını hiss etdikdən sonra ikinci bıçaqla zərbələr endirdim və hiss etdim ki, yıxıldı çarpayının üstünə".
Qulu Abbasov bundan sonra DİN-in "102 " qaynar xəttinə zəng edərək törətdiyi hadisə ilə bağlı məlumat verib.
Qeyd edək ki, qətlə yetirilən Xanlar Əmirov əvvəllər qəsdən adam öldürdüyünə görə məhkum olunub.
Məhkəmənin növbəti prosesi mayın 8-nə təyin edilib.
Nyus.Az
