[/center]Hər təyyarə qəzası bütün sərnişinlərin ölümü ilə nəticələnmir. Müəyyən nüansları bilməklə sağ qalma şansınızı artıra bilərsiniz.
Nyus.Az xəbər verir ki, Aviasiya qəzaları olduqca nadir olsa da, baş verir. Təəssüf ki, bu cür qəzalar zamanı insanlar ölür.
Buna baxmayaraq bəzi sərnişinlərin təyyarə qəzasında sağ qalması halları da baş verir.
Məsələ ilə bağlı araşdırma aparan "The Sun" nəşri fəlakətdən sağ çıxmaq şansınızı necə artıracağınıza dair ekspert məsləhətlərini toplayıb.
Aviasiya üzrə analitik Meri Şiavo deyib: "Mən təyyarəyə minəndə zehni qeyd edirəm və deyirəm: "Mənim ən yaxın qapılarım üç sıra öndə və iki sıra arxadadır".
Təcili çıxışların harada olduğunu bilmək üçün uçuşunuzun əvvəlində stüardessaların məsləhətini dinləyin.
Uçuş bələdçiləri təkcə təyyarədən bütün çıxışları qeyd etmir, həm də qəza zamanı, xüsusən də təyyarə su üzərində qəzaya uğradıqda nə etməli olduqlarını izah edirlər.
2009-cu ildə Hudson çayı üzərindəki məşhur təyyarə qəzasından sağ çıxan Coş Peltz suya endikdən sonra ona və başqalarına təyyarədən qaçmağa kömək edən təhlükəsizlik prosedurlarını bilmək olduğunu deyib.
Dünyanın ən böyük uçuş təhlükəsizliyi şirkətlərindən biri olan "Afuzion Inc"in baş direktoru Vans Gilderman deyir ki, qəzaya uğramış təyyarəni tərk etməzdən əvvəl əşyalarınızı götürməyə cəhd etməyin.
"Onlar bunu hər dəfə edirlər - tələsirlər və təyyarədən enməyə çalışırlar və istər çanta, istərsə də digər şəxsi əşyalar olsun, onu əldə etməyə çalışırlar. Bu, insanları gecikdirir və salonda istəmədiyiniz problemlər yaradır. Bu, həyati əhəmiyyət kəsb edir. İnsanlara açıq-aydın deyirlər ki, hər şeyi arxada qoysunlar, amma sonra etdikləri ilk iş bu mesaja məhəl qoymamaqdır", - o bildirib.
O, təyyarənin ən təhlükəsiz yerinin adını da açıqlayıb. Onun sözlərinə görə, o, qanadın üstündə, qəza qapısının düz yanında yerləşir. Bunun səbəbi qəza çıxışına ən yaxın olan sərnişinlərin qəza zamanı ilk olaraq təyyarəni tərk etmələridir. Təcili çıxış oturacaqları da daha çox ayaq boşluğuna malikdir və bu onları sərnişinlər üçün daha rahat edir.
Mütəxəssislər həmçinin sərnişinlərə qəza zamanı qoruyucu duruşu (başlarını aşağı salmaq) həyata keçirməyi etməyi tövsiyə edirlər. Bu, kəllə-beyin travması riskini azaldacaq və təcili eniş zamanı baş verən fırlanma və dönmələrin miqdarını azaldacaq. /Lent.az
Nyus.Az
