"Valensiya" azarkeşlərinə "Mestalya" klubunun ev stadionunda günəbaxan tumu yeməmək xahişi ilə müraciət edəcək.
Nyus.Az lent.az-a istinadən bildirir ki, klub hesab edir ki, günəbaxan tumundan istifadə stadionda antisanitar şəraitin yaranmasına gətirib çıxarır. Toxumların qabıqları siçovulları cəlb edir, bu da müəyyən narahatlıqlar yaradır.
Bundan əlavə, "Valensiya" stadionun yaxınlığında yaşayan sakinlərdən şikayətlər alır və onlar tribunaları qabıqdan təmizləmək üçün istifadə olunan avadanlıqların səs-küyündən şikayətlənirlər.
"Valensiya" stadionda günəbaxan toxumlarının satışını qadağan edəcək və tərəfdarlarından onları oyuna gətirmək qərarına gəldikləri halda qabıqlar üçün çanta olmasını tələb edəcək. Bu tədbirlər artıq "Taronxa" mövsümöncəsi kubokun oynanılacağı "Valensiya"nın "Aston Villa" ilə növbəti ev oyununda həyata keçiriləcək və bu mövsüm "Valensiya"nın bütün ev oyunlarına şamil ediləcək.
"Mestalya" İspaniyanın ən qədim stadionlarından biridir. Bu il arena 100 illik yubileyini qeyd edir.
Nyus.Az
