Paytaxtın İnşaatçılar prospekti 2 ünvanında yerləşən inzibati bina və ATS ətrafında vəziyyət qeyri-müəyyən olaraq qalır.
Nyus.Az xəbər verir ki, ərazidə artıq söküntü işlərinə başlanıldığı müşahidə olunur. Prospekt boyunca hasar dayaqları quraşdırılıb.
Lakin verilən icazələr, təmir-bərpa işlərini aparan təşkilat, son tarixlər və s. haqqında məlumat lövhəsi yoxdur.
Məsələ ilə bağlı ərazidə çalışan iş icraçısına müraciət olunsa da, o, hər hansı açıqlama verməkdən imtina edib.
Sözügedən inzibati bina tarixi-memarlıq abidəsi kimi dövlət qeydiyyatına alınıb (İnv. № 3741). Bu səbəbdən obyekt üzərində aparılan hər hansı müdaxilə xüsusi icazə və nəzarət tələb edir.
Qeyd edək ki, 1 fevral 2026-cı il tarixindən etibarən tarixi və mədəni irs obyektlərinin qəsdən məhv edilməsi və ya zədələnməsinə görə cinayət cəzaları artırılıb.//Milli.Az
Nyus.Az
