
"Deputat kimi də yaddaşlarda müsbət hansısa əməli ilə qalmamışdı, indi də illərdir Yasamal rayon icra hakimiyyətinin başçısı postunda yaxşı hansısa fəaliyyəti ilə diqqət çəkmir. Əksinə..."
"DİA-AZ" bildirir ki, bu barədə Yasamal sakini jurnalist Orxan Tuncər özünün sosial şəbəkə hesabında yazaraq Yasamal RİH rəhbəri Elşad Həsənovun işindən narazılığını ifadə edib.
Qeyd edək ki, ümumiyyətlə, paytaxtdakı RİH rəhbərləri arasında barəsində ən çox neqativ yazılanı, yarıtmaz fəaliyyəti ictimailəşdirilən elə Elşad Həsənovun özüdür desək, yanılmarıq...
Bir başqa Yasamal sakini, qocaman nəşriyyat işçisi Nüsrət Quliyev isə aşağıdakı fotoları təqdim edərək bildirir:
"Bura Milli Elmlər Akademiyasının qarşısında, H.Cavid prospektindəki keçidin yan tərəfidir.
Şəki çöküb... böyük çala əmələ gəlib, baxan yoxdur. Ümumiyyətlə, şəhərdə yıxılan yol kənarındakı qoruyucu daşlar, döşənmiş daşların dağılması, sınıq plitələr və s. xoşagəlməz görüntülər, şəhərimizə gələn qonaqlarda heç də, xoş təəssürat yaratmır. Aidiyyəti qurumların işlərinin yarıtmaz olduğu aydın görünür, təmir-bərpa işləri aparılmır. Görəsən, heç xəcalət çəkirlər?!
Gəlin, şəhərimizi qoruyaq!.."
N.Quliyev Yasamal RİH-i təcili tədbir görməyə də çağırıb.
Nyus.Az olaraq məqalədə qaldırılan iddialarla bağlı qarşı tərəfin mövqeyini işıqlandlrmağa hazırıq!
Nyus.Az



























