ABŞ prezidenti Donald Trampın Nobel Sülh Mükafatına namizədliyi bir sıra dünya liderləri və hökumətlər tərəfindən irəli sürülüb.
Ağ Evdən verilən məlumata görə, bu təşəbbüs onun son aylarda apardığı diplomatik fəaliyyət, xüsusilə də qlobal münaqişələrin həlli istiqamətindəki təşəbbüsləri ilə əlaqələndirilir.
Namizədliyi dəstəkləyənlər arasında həm region, həm də dünya siyasətində əhəmiyyətli fiqurlar yer alır.
Siyahıda bunlar var:
• Azərbaycan prezidenti İlham Əliyev
• Ermənistan baş naziri Nikol Paşinyan
• Kamboca baş naziri Hun Mane
• Qabon prezidenti Bris Oliqvi Nqema
• İsrail baş naziri Binyamin Netanyahu
• Pakistan hökuməti
• Ruandanın xarici işlər naziri Olivier Nduhungirehe.
Ağ Ev rəsmilərinin sözlərinə görə, Trampın Nobel Sülh Mükafatına təqdim olunması, xüsusən də onun Cənubi Qafqaz, Yaxın Şərq və Asiya istiqamətində son diplomatik təşəbbüsləri ilə bağlıdır. Xüsusi olaraq, Azərbaycan və Ermənistan arasında sülh prosesi, İsrail və ərəb ölkələri ilə münasibətlərin normallaşdırılması, eləcə də Asiya-Sakit okean regionunda gərginliyin azaldılması istiqamətində atılan addımlar vurğulanır.
Qeyd edək ki, Nobel Sülh Mükafatı üzrə namizədlərin siyahısı adətən rəsmi olaraq açıqlanmır. Lakin bu dəfə dəstəyi ifadə edən liderlərin adlarının Ağ Ev tərəfindən açıqlanması Vaşinqtonun Trampın qlobal sülh təşəbbüslərinə xüsusi önəm verdiyini göstərir.//Musavat.com//
Nyus.Az
