Tayvan əvvəllər aldığı 29 ədəd HIMARS çoxlu buraxılış raket sistemlərinə (MLRS) əlavə olaraq ABŞ-dan 28 belə sistem daha almağı planlaşdırır.
Nyus.Az xəbər verir ki, məlumatı “Taipei Times” qəzeti mənbələrə istinadən yayıb.
Beləliklə, bütün satınalmalar tamamlandıqdan və ABŞ-dan çatdırıldıqdan sonra Tayvanda 57 HIMARS dəsti olacaq. Bu MLRS-lər ya altı 227 mm çaplı raketdən ibarət blok, ya da 300 km-ə qədər uçuş məsafəsinə malik bir taktiki raket sistemi (ATACMS) ilə təchiz oluna bilər. Əvvəllər Tayvan ABŞ-dan 29 HIMARS buraxılış qurğusu sifariş edib və ilk 11-ni 2024-cü ildə alıb. Bu ilin may ayında adanın 58-ci Artilleriya Komandanlığı HIMARS-dan istifadə edərək ilk canlı atəşi həyata keçirib.
Bundan əlavə, mənbələrin qəzetə verdiyi məlumata görə, adanın Müdafiə Nazirliyi ABŞ-dan əlavə doqquz təkmil NASAMS hava hücumundan müdafiə raket sistemi almaq imkanını da nəzərdən keçirir. Bu mobil hava hücumundan müdafiə raket sistemi Norveçin Kongsberg Defense & Aerospace şirkəti tərəfindən Amerikanın Raytheon şirkəti ilə birgə hazırlanıb. Tayvan və ABŞ daha əvvəl Taypeyə üç NASAMS dəsti almaq üçün müqavilə imzalamışdı.//Musavat.com//
Nyus.Az
