“Bilirsən nə var, bir də mənə səs göndərməyin, ling göndərməyin, şantaj eləmək istəyirsinizsə işinizdə olun. Oldumu! Mənim Allahım var, hökmətim var, dövlətim var, gözü görür. Siz işinizdə olun. Bir də mənə səs göndərməyin. Əəəgüstə dura bilmirəm, “dubl” piyanam. Danışığına da sən fikir ver. Mən həyatımda Allah adamıyam, içki deylən o, o….. Alikdə sənin kimi deyirdi, “gedirəm otağında ayıq tapmıram”. Mən içki içirəm, bir az ağıllı olun, ağıllı olun və işinizdə, işinizə ……. Mən səhər tezdən başdayıram, hardasa “zavtrak”dan. Axşama zornan yekunlaşdırıram. Vallah, deyirsən, mən başdyanan savaxnan günortanı itirerəm. Tezdən başdıyaram gözümə görünməsin ki, savax nə vaxt olur, günorta nə vaxt olur. Nə bilim, ayılanda savax saat 7-yə, 8-ə işləmiş, onnan başdıyıram, gecə saat 10-a kimi, onnan sonra gözümə yuxu gedir, savax bir də başdayıram. Mən gejiynən gündüzü itirmişəm, mən həddinən çox içirəm”.
Hörmətli oxucular! Yəqin ki, hər kəsin xatirindədir, bir neçə gün bundan öncə Ağstafa rayonu, Xılxına kənd sakini Bəhlul Əliyevin redaksiyamıza ünvanladığı müraciəti əsasında, baş həkim İlham Sofiyevin rəhbərlik etdiyi MRX-da yaşanan birabırçılıqlarla bağlı Deryaz.az saytında məqalə yayımlamışdıq. Yayımladığımız məqalədə qeyd olunmuşdu ki, şəkər xəstəsi olan Bəhlul Əliyev 04 may 2023-cü il tarixdə Ağstafa MRX-a müraciət etsə də, bu səhiyyə müəssisəsində ona lazımi tibbi xidmət göstərilmir. Yəni, bu şəxs səhhətində əmələ gələn şəkər xəstəliyinin dərəcəsini öyrənmək istəsə də, müayinə həkimi ona “Bizim xəstəxanada şəkər xəstəliyinin dərəcəsini ölçən aparat yoxdur” cavabını verir. Müayinə həkimindən belə bir cavabı eşidən Bəhlul Əliyev şoka deyil, sanki “şökə” düşməli olur. O halda o, öz-özünə sual edir ki, belə bir biabırçılıq olar? Yəni, bir rayonun MRX-da şəkər xəstəliyinin dərəcəsini müəyyən edən aparat olmasın? Elə ki, o, bu haqda baş həkim İlham Sofiyevin qəbulunda olur və dərd-sərini ona danışır. O halda Bəhlul Əliyevin dərd-sərini diqqətlə dinləyən baş həkim ona “Sənin ağlın hara gedib? Bura Ağstafadır!. Məgər, sən bilmirsənmi ki, Səhiyyə Nazirliyi bizə bir dənə də şəkər ölçən aparat vermir? Nazirlik bizə vermir, biz də nə sənə, nə də ki, digər xəstələrə xidmət göstərə bilmirik” cavabını verir.
Bir anlığa diqqət yetirək ki, Ağstafa MRX-sı Publik Hüquqi Şəxsin baş həkimi İlham Sofiyevə, adı çəkilən bu səhiyyə müəssisəsində xəstələrə göstərilən xidmətin göstəricisi və yaxud da bu və digər məsələlərlə bağlı iş saatları zamanı sual verdikdə o, “Bilirsən nə var, bir də mənə səs göndərməyin, ling göndərməyin, şantaj eləmək istəyirsinizsə işinizdə olun. Oldumu! Mənim Allahım var, hökmətim var, dövlətim var, gözü görür. Siz işinizdə olun. Bir də mənə səs göndərməyin. Əəəgüstə dura bilmirəm, “dubl” piyanam. Danışığına da sən fikir ver. Mən həyatımda Allah adamıyam, içki deylən o, o….. Alikdə sənin kimi deyirdi, “gedirəm otağında ayıq tapmıram”. Mən içki içirəm, bir az ağıllı olun, ağıllı olun və işinizdə, işinizə ……. Mən səhər tezdən başdayıram, hardasa “zavtrak”dan. Axşama zornan yekunlaşdırıram. Vallah, deyirsən, mən başdyanan savaxnan günortanı itirerəm. Tezdən başdıyaram gözümə görünməsin ki, savax nə vaxt olur, günorta nə vaxt olur. Nə bilim, ayılanda savax saat 7-yə, 8-ə işləmiş, onnan başdıyıram, gecə saat 10-a kimi, onnan sonra gözümə yuxu gedir, savax bir də başdayıram. Mən gejiynən gündüzü itirmişəm, mən həddinən çox içirəm”.
Bəli, bütün bunlar Ağstafa MRX-na rəhbərlik edən İlham Sofiyevə, iş saatları zamanı əməkdaşımızın bu və digər məsələlərlə bağlı ünvanladığı suallara verilən cavablardır. O halda ortaya belə bir sual çıxır ki, görəsən bu kimi göstəriciləri özündə cəmləşdirən və hal-hazırda Ağstafa MRX-na rəhbərlik edən bu şəxsin atdığı addımlarla bağlı səhiyyə naziri cənab Teymur Musayev xəbərdardırmı? Əgər xəbərdar deyilsə, o halda cənab Nazirdən onu xahiş edərik ki, həm Ağstafa səhiyyəsində lazımi yoxlamaların həyata keçirilməsinə göstəriş versin, həm də baş həkim vəzifəsini daşıyan İlham Sofiyevin “dubl” vəziyyətdə etdiyi çıxışa diqqət yetirsin. Yəqin ki, o halda Ağstafa səhiyyəsinin “etibarlı əl”də olduğu bəlli olacaq.
Düzdür, Bəhlul Əliyev baş həkim bu cür “sərasər cavabı”na inanmır, amma o, heç də ümidini itirmir. Məsələnin maraqlı tərəfi o olur ki, şəkər xəstəsi olan bu şəxsin üz-üzə qaldığı problemlə bağlı Deryaz.az saytında yazı yayımlandıqdan sonra, Bəhlul Əliyevə qarşı “naqloy hədələr”, təpkilər artmaqda davam edir. Yəni, İlham Sofiyev şəkər xəstəsi olan bu şəxsi “məhşər ayağına” çəkmək qərarına gəlir. Eyni zamanda Bəhlul Əliyevə baş həkimin vəkili zəng edib, onu hüquqi müstəvidə cəzalandırılacaqları haqda məlumatlandırır. Düzdür, Ağstafa MRX-na rəhbərlik edən İlham Sofiyevin düzüb –qoşmaq istədiyi bu plan işə keçərli olmur. Amma, üç-dörd gündən sonra xəstəxana rəhbərliyinin verdiyi tapşırıq əsasında, Bəhlul Əliyev şəkər xəstəliyinin dərəcəsini ölçən aparatla təmin olunur.
Bütün bunlar qalsın bir yana, Deryaz.az saytında və digər media qurumlarında bu problemlə bağlı tənqidi məqalə yayımlandıqdan sonra, ictimai fikirdə “nataraz redaksiya” adı ilə tanınan, hüquqi ünvanı bəlli olmayan, həmkarlarının tənqidi məqalələrinə qarşı naxələf mövqe ortaya qoyub, bəzi məmurlara “bəy tərifi” və “şəngülüm-şingülüm nağılları” yazan sayt əməkdaş(lar)ı, səndemə günlərin birində “şirin yuxu” görürlər. Yəni, sayt əməkdaş(lar)ı “çin olmayan” yuxularında yatıb görürlər ki, Ağstafa MRX-a rəhbərlik edən İlham Sofiyevin qanunsuz əməllərini ifşa edənlər mətbuatdan xəbəri olmayanlardır və həmin şəxslərin yazdıqları şər və böhtandan başqa bir şey deyil. Allah, sən saxla! Yəni, “bəy tərifi” və “şəngülüm-şingülüm nağılları” yazan sayt əməkdaşları, öz yazılarında İlham Sofiyevi elə bir tərzdə tərifləyib göyə qaldırırlar ki, sanki Azərbaycan səhiyyəsində heç kim bu şəxsin tayı-bərabəri ola bilməz. Bir sözlə, Ağstafa MRX-nin baş həkimi “aydan arı, sudan duru” olan vəzifə sahibidir. Bəlkə də? Amma, onu da unutmaq olmaz ki, xalq hər şeyi görür və gördüklərinə də lazımi qiymətini verir. O halda sual oluna bilər ki, görəsən həmin şəxs və ya şəxslər heç öz-özlərinə sual edirlərmi ki, Ağstafa səhiyyəsini “qaragünə qoyan” İlham Sofiyevə haqq qazandırmaq, bu şəxs barəsində “bəy tərifi” və “şəngülüm-şingülüm nağılları” yazmaq olmaz. Çünki, o, şəkər xəstəliyi olmayan şəxslərdə, məhz şəkər xəstəliyi yaradan vəzifə sahibidir.
Mövzuya qayıdacağıq. //Deryaz.az//
Nyus.Az olaraq məqalədə qaldırılan iddialarla bağlı qarşı tərəfin mövqeyini işıqlandlrmağa hazırıq!
Nyus.Az
