Havalar soyumağa başladığından istiliklə təchizat məsələsi yenə də aktuallaşıb. Daha doğrusu, bu istiqamətdən gələn giley-güzarların sayı artıb.
"DİA-AZ" xəbər verir ki, bu dəfə şikayət edən Leyli L. adlı sosial şəbəkə istifadəçisi ona göstərilməyən xidmətə görə 200 manat əsassız borcun yazıldığından gileylənir və bununla bağlı etiraz etsə də, haqqını tələb etməyə bir ünvan tapmadığını da deyir.
Narazı vətəndaş Azəristiliktəchizat ASC-nin rəhbərliyinə xitabən bildirir:
"Sizin idarəyə dəfələrlə yaxınlaşmışıq... "Qaynar xətt"inizi də yığmışıq.
Sənəd aparmışıq, ərizə yazmışıq, akt yazıblar... lakin yenə də bizə yazılmış əsassız 200 manatlıq borc silinməyib.
Heç bir köməklik göstərilmir, rəsmən bazardır.
Bu gün (dünən -red.) sizin idarəyə yaxınlaşmışıq... Nə akt var, nə də ki yazdığımız ərizə ortalıqda yoxdur. Heç birini nə sistemdə, nə də ki arxivdə tapmaq olmur. Açıq -aşkar zor gücünə pul tələb edirsiniz..."
Nyus.Az olaraq məqalədə qaldırılan iddialarla bağlı qarşı tərəfin mövqeyini işıqlandlrmağa hazırıq!
Nyus.Az
