Yasamal rayonu ərazisində piyada səkilərinin zəbt edilməsi davam edir. Müvafiq qaydalarda əsasən malların bilavasitə səkilərə, torpağın, yaşıllıqların, ağacların, yeşiklərin və s. üzərinə qoyularaq satışı qadağan olsa da, Yasamal rayonu ərazisində bu qayda gözlənilmir və ya müvafiq qurumlar bu qanunpozuntusuna şərait yaradır.
Nyus.Az Tribunainfo.az-a istinadən xəbər verir ki, məhz rayon icra hakimiyyətlərinin verdiyi icazəyə əsasən mağazalar səkiləri asanlıqla zəbt edib, gediş-gəlişi çətinləşdirirlər.
Yasamal rayon sakinləri bildirib ki, Həsən bəy Zərdabi küçəsində (“20 Yanvar” metrostansiyasının yaxınlığı) malların səkiyə qoyularaq satılması və piyadaların hərəkətinə çətinlik yaradılması barədə dəfələrlə aidiyyəti qurumlara bildiriblər.
Bir müddət bununla bağlı tədbir görülür, ancaq sonra vəziyyət yenə əvvəlki kimi olur.
Yasamal başlı-başına qalıb... - BUNUN BAŞQA ADI YOXDUR...Mənbə: "Tribunainfo.az"
Nyus.Az
