Son zaman müəyyən qüvvələr (vaxtilə qırıntıya görə işdən çıxarılmış və s.) qərəzli şəkildə Masallı Regional Meşə Təsərrüfatı Mərkəzi və işçiləri barədə xəbər saytlarına əsası olmayan məlumatlar verir.
Sözügedən məlumatları əməkdaşlarımız yerindəcə araşdırıb və onlar birmənalı olaraq öz təsdiqini tapmayıb.
Nəsimi Nəsibov artıq bir ilə yaxındır ki, cənab Muxtar Babayev tərəfindən Masallı Regional Meşə Təsərrüfatı Mərkəzinə direktor vəzifəsinə təyin olunub və bu təyinatdan sonra orada vəziyyət müsbətə doğru xeyli dəyişib- əvvəlki illərə nisbətən meşəqırıntıların sayı xeyli azalıb, bir neçə il öncə quraqlıq səbəbilə batan əkinlərin bir qismi bərpa olunub, meşəbərpa işləri aparılıb, bir çox qazı və şəhid ailələr qış yanacağı üçün oduncaq ilə təmin olunub, sözügedən bölgədə meşələrlə bağlı şikayətlər xeyli azalıb.
Görünür Nəsimi müəllim cənab nazirin etimadını doğruldub. Nəsimi müəllim 1-ci Qarabağ veteranı olmaqla, həm də vətənpərvər bir insandır.
Görünür bəzi qüvvələr onun gördüyü müsbət işlərə kölgə salmaq üçün hər bir vəchlə çalışır, amma buna heç vaxt nail ola bilməyəcəklər.
