Bir neçə gün öncə redaksiyamıza Cəlilabad meşələrinin qırılması və Masallı Regional Meşə Təsərrüfatı Mərkəzinin əməkdaşları barədə video-çəkilişlərlə müşayiət olunan şikayətlər daxil olmuş və həmin şikayətlər müxtəlif xəbər saytlarında yayılmışdır.
Nyus.az saytı bu barədə ətraflı araşdırma aparmış və nəticədə verilən məlumatlar öz təsdiqini tapmamışdır. Belə ki, redaksiyamıza daxil olan videoçəkilişlərin köhnə tarixli, verilən məlumatların isə qərəzli xarakter daşıdığı məlum olmuşdur.
Bundan əlavə, nəzərdən keçirdiyimiz hesabat göstəriciləri, apardığımız digər müşahidələr və keçirdiyimiz sorğular əsasında bəlli olmuşdur ki, yayılan qərəzli məlumatların tam əksi olaraq cənab Nəsimi Nəsibov Masallı Regional Meşə Təsərrüfatı Mərkəzinə direktor vəzifəsinə təyin ediləndən sonra RMTM-nin xidmət dairəsində olan meşələrdə vəziyyət əvvəlki illərə nisbətən xeyli yaxşılaşmış və bu müsbət tendensiya davam etməkdədir.
