Cəlilabad rayonun Ağdaş kənd sakini Nəhmətov Əli Əhməd oğlu Nyus.Az saytına bir şikayət ünvanlayıb.
Vətəndaşın iddiasına görə, Masallı Regional Meşə Təsərrüfatı Mərkəzının nəznində olan Cəlilabad meşələrinda kütləvi qırıntı faktları var: Adları "Qırmızı Kitab"a düşmüş ağac cinsləri paya formasında kəsilərək çiyələklə məşqul olan sahibkar və kustar üsulla kömür hazırlayan kömürçülərə satılır.
Cəlilabad meşələrindən 1000 hektara yaxın yığılan biçənək pulları meşə işçiləri tərəfindən öz dədə malı kimi mənimsənilir, bəzi meşə əraziləri mal-qara örüşü məqsədi ilə sahibkar və vətəndaşlara satılıb, ayağında 5 000-10 000
manat məbləğində cəriməsi olan meşə gözətçiləri hələ də iş başındadır.
P.S. Bir ay öncə redaksiyamıza Cəlilabad rayonun Ağdaş kənd sakini, eyni zamanda 11 saylı dolayın gözətçisi Salayev Rafiq bir utandırıcı videomüraciət göndərmiş və bizə onu mətbuatda içtimailəşdirməyi xahiş etmişdi, biz isə onu özümüzə ayıb bilib paylaşmadıq.
Deməli, Rafiq Salayev meşədən tör-töküntü və quru çilə daşıyan Əli Əhmədovu telefonu vasitəsilə şantaj etmək məqsədilə lentə almış, sonra isə onu dost-tanışlar arasında yaymağa başlamışdı. Necə olur ki, meşələri kütləvi qıran "meşə bandit"inə gücünüz çatmır, heç onlara bir söz də belə deyə bilmirsiniz, ancaq gücünüz Əli kimi quru tör-töküntü daşıyan kasıb kəndçiyə çatır?!
Siz, bu işi özünüzə fəxr bilirsiniz?!
Bizi izləməkdə davam edin, növbəti yazılarımızda oxuculara Masallı və Yardımlı meşələrində baş verən "maxinasiya" və "soyqırımlar" barədə ətraflı məlumat verəcəyik.
Qarşı tərəfin mövqeyin dinləyib dərc etməyə hazırıq.
Nyus.Az
