Bakı şəhərinin Xətai rayonundakı 269 saylı tam orta məktəbi 1984-cü ildə yaranandan ta ötən ilə kimi bu qabaqcıl təhsil müəssisəsinə təcrübəli pedaqoq, “Əməkdar müəllim”, “Prezidentin fərdi təqaüdçüsü”, “Şöhrət” ordenli Alla İqoryevna Vəzorova uğurla rəhbərlik edib və kollektivlə birgə çoxsaylı nailiyyətlərə imza atıb.
80 yaşında təqaüdə çıxan Alla Vəzirovanı direktor vəzifəsində Aygün Əzizova əvəzlədi. Lakin çox keçmədən müşahidələr bəlli etdi ki, Aygün Əzizova sələfinin uğurlarının heç bir faizini də təkrarlaya bilməyəcək. Çünki yolu o yol deyil.
Bu günlərdə redaksiyamıza verilən məlumata görə, Aygün Əzizova 2022/2023-cü tədris ilinin məzunları olacaq XI sinif şagirdlərindən “vinetka pulu” yığdırır. Özü də bu məqsədlə tələb olunan məbləğ başqa məktəblərdə olduğundan çoxdur.
Uşaqların, onların valideynlərinin və məktəblə qonşuluqdakı evlərin sakinlərinin təzə direktordan əsas gözləntiləri bu idi ki, o, həmin ünvanda (Bakının Xətai rayonunda, Gəncə prospekti 30), məktəbin düz önündə, 8 metrliyində göydələn tikintisinə qarşı çıxmaq yönündə birgə fəaliyyəti davam etdirəcək. Sabiq direktor Alla Vəzirova məktəbi gün işığından məhrum edən binanın hələ bünövrəsi qazılanda inşa işlərinin dauyandırılması üçün aidiyyəti qurumlara çoxsaylı müraciətlər etmiş, hətta bir ara işlərin dayandırılmasına da nail olmuşdu. Sakinlər aksiya keçirəndən sonra Xətai Rayon İcra Hakimiyyətindən gələn nümayəndələr ərazidə bina tikintisinin münasib olmadığını, bu tikintiyə icazənin ləğv edilməsi üçün Şəhərsalma və Arxitektura Komitəsinə müraciət edildiyini, cavab alındıqdan sonra sözügedən ərazidə kiçik park düzəldiləcəyini elan etmişdi. Şəhərsalma və Arxitektura Komitəsi də ərazidə bina tikintisinin tikinti normalarına uyğun olmadığını mediaya açıqlamasında təsdiqləmişdi və bu barədə MTK rəhbərinə təlimat veriləcəyini vəd etmişdi. Alla xanım təqaüdə çıxanadək bu müstəvidə yazışmalarını davam etdirirdi. Lakin çox təəssüf ki, Aygün Əzizova bu istiqamətdə heç bir iş görmədi. Əksinə, söz gəzir ki, o, göydələni inşa edən “Qaya İnşaat” MTK-nın rəhbərliyi ilə sövdələşərək, susmağa boyun götürüb. Hazırda həmin ərazidə ciddi sıxlıq, avtomobillərin binaya girişində dəqiqələrlə gözləmə, parklanmada çətinliklər var. Bir müddət öncə binada baş verən yanğın zamanı FHN-in yanğınsöndürəni yanğın baş verən mənzilə yaxınlaşmaq üçün 30 dəqiqədən artıq gözləməyə məcbur olmuşdu. Çünki həyətdəki sıxlıq iri qabaritli maşınların hərəkətini mümkünsüz edir.
Bu günlərdə redaksiyamıza verilən məlumata görə, Aygün Əzizova 2022/2023-cü tədris ilinin məzunları olacaq XI sinif şagirdlərindən “vinetka pulu” yığdırır. Özü də bu məqsədlə tələb olunan məbləğ başqa məktəblərdə olduğundan çoxdur.
Nyus.Az
