[/center]“Firuzə İbadova uzun illər mənim ansamblımda oxuyub. Mən nə olsun ki, tar ifaçısıyam, gözəl səsim var. Birinci mən oxumuşam, sonra onlar oxuyub mahnıları öyrəniblər. Firuzə çox gözəl sənətkar və insandır. Bilirəm ki, xəstədir. Mən onun üçün nə edə bilərəm?! Əlimdən duadan başqa heç nə gəlmir. Özüm də xəstəyəm, vəziyyətim yaxşı deyil. Firuzə xanım görün necə təvazökar insandır ki, mən heç vaxt bilməmişəm ki, onun evi yoxdur. İndi eşidirəm ki, ev istəyir. Başına nə gəlibsə evini satıb. Bu haqda heç bir məlumatım yoxdur. Əlbəttə ki, müğənninin, ələxsus da Firuzə İbadova kimi sənətkarın evi olmalıdır. Mən inanıram ki, tezliklə sənətkarımıza ev veriləcək”
Nyus.Az xəbər verir ki, bunu Moderator.az-a açıqlamasında Xalq artisti Ceyran Haşımova deyib.
O daha sonra əlavə edib:
“Müğənni toylara gedir və qazanır. Amma Firuzə xanım çox qazanan müğənnilərdən deyil. Firuzə gör neçə il Cavanşir Məmmədovla duetlər ifa etdi.. Uzun illər öncə “Bizimləsən” verilişində qırğın-qiyamətlə Cavanşirlə Firuzə duet ortağı kimi ayrılmaq istəyirdilər. Firuzə xanım yəqin elə bu problemlərə görə ondan ayrılmaq istəyirdi.. Mən də həmin verilişdə idim. Biz mane olduq. Cavanşir də deyirdi ki, “mən Firuzə xanıma hər toydan 400 manat pul verirım”. Görünür Firuzə xanıma dediyi məbləği verməyib. Firuzə xanım heç vaxt yalan danışmaz. Çünki o böyük şəxsiyyətdir və təmiz insandır. Toyda müğənni oxumalıdır da. Müğənni həkim və prokuror deyil ki, toya getməsin. Firuzə xanım kasıbı da başa düşüb. Pulsuz getdiyi toylar da var. Bunu hamıdan gözəl mən bilirəm” deyə sənətkar bildirib.
Nyus.Az
