[/center]ABŞ prezidenti Donald Trampın qarşısında duran ən mühüm vəzifələrdən biri artıq təkcə İranla siyasi razılıq əldə etmək deyil, həm də qlobal enerji bazarlarını yeni sarsıntıdan qorumaqdır. Beynəlxalq ekspertlərin və iqtisadçıların fikrincə, Vaşinqtonun İranla münasibətləri normallaşdırmaq və Hörmüz boğazının tam fəaliyyətini bərpa etmək üçün vaxtı sürətlə azalır.
Nyus.Az-un xəbərinə əsasən, BBC-nin mövzu ilə bağlı geniş təhlilində qeyd olunur ki, son aylarda Yaxın Şərqdə baş verən hadisələr dünya iqtisadiyyatını təhlükəli mərhələyə yaxınlaşdırıb.
Mütəxəssislər hesab edirlər ki, Hörmüz boğazında mövcud məhdudiyyətlər aradan qaldırılmazsa, iyul-avqust aylarında neft bazarında yeni qiymət partlayışı yaşana bilər.
Analitiklərin fikrincə, hazırkı vəziyyət ABŞ administrasiyasını çətin seçim qarşısında qoyub. Bir tərəfdən İran üzərində siyasi və iqtisadi təzyiqləri davam etdirmək istəyi mövcuddur, digər tərəfdən isə dünya bazarlarında enerji sabitliyinin qorunması zərurəti getdikcə daha qabarıq şəkildə özünü göstərir.
BBC-nin təhlilində vurğulanır ki, artıq məsələ təkcə ABŞ-İran münasibətləri çərçivəsində qiymətləndirilmir. Hörmüz boğazının taleyi birbaşa olaraq dünya iqtisadiyyatının gələcək aylardakı vəziyyətinə təsir göstərə biləcək amilə çevrilib. Məhz buna görə də Vaşinqtonla Tehran arasında aparılan danışıqların nəticəsi beynəlxalq maliyyə bazarları tərəfindən diqqətlə izlənilir.
Müşahidəçilərin fikrincə, əgər yaxın həftələrdə tərəflər arasında anlaşma əldə olunmasa və enerji marşrutları üzərindəki məhdudiyyətlər aradan qaldırılmasa, dünya iqtisadiyyatı növbəti böyük sınaqla üzləşə bilər.
ƏTRAFLI BURADA: https://www.bbc.com/russian/articles/cnvpld25258o?at_campaign=ws_whatsapp (Musavat.com)
Nyus.Az
