Azərbaycanda dövlət idarəçiliyində şəffaflıq, məsuliyyət və etimad prinsipləri əsas götürülməlidir. Xüsusilə də dövlətə məxsus qurumlarda və strateji sahələrdə rəhbər vəzifələrə təyinat zamanı keçmiş fəaliyyət, hüquqi status və ictimai etibar əsas meyar olmalıdır.
Lakin Kənd Təsərrüfatı Nazirliyində son təyinat göstərir ki, bu prinsiplər hər zaman gözlənilmir.“Azəraqrar Dövlət İstehsalat və Emal Birliyi” MMC-nin Qarabağ Regional İdarəsində baş verən kadr dəyişiklikləri ciddi suallar doğurur. Vaxtilə korrupsiya xarakterli əməllərə görə işdən uzaqlaşdırılmış və barəsində cinayət işi açılmış Çərkəz Şirinovun yenidən rəhbər vəzifəyə – rəis müavini postuna gətirilməsi təkcə hüquqi yox, həm də mənəvi baxımdan mübahisəlidir.Redaksiyamıza daxil olan məlumata görə Çərkəz Şirinovun təyinatı nazir Məcnun Məmmədovdan gizlin həyata keçirilib.Hazırda “Azəraqrar”da kadr təyinatlarına direktor Hikmət Hüseynovun müavinləri Həsən Abdullayevlə və Fəxrəddin Qəhrəmanov nəzarət edir.
Bizimesr.com-un yaydığı məlumatda bildirilir ki, Həsən Abdullayev Prezident Administrasiyasında çalışan qohumu vasitəsilə, Fəxrəddin Qəhrəmanov isə nazir Məcnun Məmmədovun hərbi xidmətdə komandiri olduqlarını tez-tez xatırlatmaqla direktor Hikmət Hüseynovu təsirləri altında saxlayırlar.Direktoru təsiri altında saxlayan Fəxrəddin Qəhrəmanov bu vəziyyətdən “sui istifadə” edərək artıq “öz maraqları” çərçivəsində bir çox kadrları qurumda yerləşdirməklə məşğuldur. Məsələ ondadır ki, Çərkəz Şirinov cinayət məsuliyyətindən azad edilsə də, bu, onun günahsız olması demək deyil. Azərbaycan Respublikasının Cinayət Məcəlləsinin 73-1.2-ci maddəsinə əsasən, müəyyən cinayətləri törətmiş şəxs zərərçəkmişlə barışdıqda, dəymiş ziyanı ödədikdə və əlavə olaraq dövlət büdcəsinə 25 faiz ödəniş etdikdə məsuliyyətdən azad edilə bilər. Bu norma hüquqi humanizm prinsipinə xidmət edir, lakin heç bir halda həmin şəxsin törətdiyi əməli “yox saymır”. Başqa sözlə, qanun bu cür şəxsləri cəzadan azad edir, lakin məsuliyyətdən və reputasiya yükündən yox. Belə olan halda, vaxtilə rəhbərlik etdiyi qurumda idarəetməni şəxsi maraqlara tabe etdiyinə dair iddialar səslənmiş, cinayət işi açılmış bir şəxsin yenidən vəzifəyə qaytarılması cəmiyyət üçün hansı mesajı verir? Bu addım dürüst çalışan kadrlara qarşı haqsızlıq deyilmi? Kənd Təsərrüfatı strukturlarında təmiz kadr siyasəti harada qalır? Ən təhlükəli məqam isə odur ki, bu cür şəxslər keçmişlərini “bağışlanmış səhv” kimi təqdim edərək özlərini yenidən “təmiz” göstərməyə çalışırlar. Halbuki ictimai etimad sadəcə hüquqi qərarla bərpa olunmur – bu, uzunmüddətli və şəffaf fəaliyyət tələb edir. Rayon ictimaiyyəti isə artıq bu kimi hallara fərqli yanaşır. İnsanlar yaxşı anlayır ki, bəzi şəxslərin yenidən vəzifəyə can atması cəmiyyətə xidmət yox, şəxsi maraqların təminidir. Dövlət vəzifəsi isə imtiyaz mənbəyi deyil – məsuliyyət yüküdür. Əgər Kənd Təsərrüfatı Nazirliyinin idarəçiliyində real islahatlar aparılacaqsa, belə təyinatlara ciddi hüquqi və ictimai qiymət veriləcəkdir. Əks halda, “keçmişi problemli” kadrların geri dönüşü nazirliyin özünə inamı sarsıtmağa davam edəcək.Unutmaq olmaz: qanun kimisə azad edə bilər, amma cəmiyyət hər şeyi yadda saxlayır.Qeyd edək ki, KTN-nin Auidit İdarəsi “Azəraqrar”-da apardığı yoxlamada Fəxrəddin Qəhrəmanovun nəzarət etdiyi texnikalarla bağlı yoxlama aparmayıb. Bu barədə növbəti araşdırmamızda. (Mediatvaz.com)
Nyus.Az olaraq məqalədə qaldırılan iddialarla bağlı qarşı tərəfin mövqeyini işıqlandlrmağa hazırıq!
Nyus.Az
