Azərbaycanın neft-qaz gəlirləri kəskin surətdə azalır. Bu azalma hər il yüzmilyonlarla dollarla ölçülür. Nəticələri artıq göz qabağındadır. Artıq Cənubi Qafqazda əmək haqqı, pensiya, həyat səviyyəsinə görə sonuncu yerdəyik və “bölgənin autsayderi”nə çevrilmişik.
"DİA-AZ" qeyd edir ki, bu barədə açıqlama verən ekspert Yadigar Sadıqlı olduqca ilginc məqamlara toxunub: "Enerji pullarının sel kimi axdığı dövrdə təkrar pul qazandıran heç bir şey yaradılmadı.
Hökumət azalan gəlirlərin yerini insanlardan birbaşa və dolayısı ilə alacağı pullarla doldurmağa çalışır. Vergilər və cərimələr artırılır, qiymətlər bahalaşır. Amma bütün bunlar xalqı daha da səfalətə sürükləməklə yanaşı, neft-qaz gəlirlərinin azalmasını kompensasiya edə bilməz.
Belə gedərsə, labüd olacaq kollapsdan qurtulmanın yolu köklü iqtisadi islahatlar aparılması və azad iqtisadi mühit yaratmaqdır. Beləcə, qarşıda bizi yaxşı heç nə gözləmir..."
"DİA-AZ" qeyd edir ki, 2019-cu ildən etibarən Azərbaycan Respublikasının İqtisadiyyat Naziri postunu tutan Mikayıl Cabbarov əslində hazırkı durumdan əsas sorumludur. Və gözlənilən odur ki, yarıtmaz fəaliyyəti ifşa olunmuş Cabbarovdan nəinki hesabat istənilsin, həmçinin məsuliyyətə cəlb olunması da doğru qərar olacaq.
Amma maləsəf hələ də ölkə iqtisadiyyatı Cabbarov üçün bir eksperiment meydançası rolunu oynamaqdadır...
Nyus.Az olaraq məqalədə qaldırılan iddialarla bağlı qarşı tərəfin mövqeyini işıqlandlrmağa hazırıq!
Nyus.Az
