[/center]Biz, Gəncə Dövlət Universitetinin çoxsaylı əməkdaşları olaraq, illərdir ki, bu ali təhsil ocağında dərinləşən özbaşınalıqlar, qeyri-şəffaf idarəçilik, qohumbazlıq, layihə maxinasiyaları, imtahan saxtakarlıqları və universitetin nüfuzunu yerlə bir edən şəxsi maraq şəbəkəsi barədə səsimizi qaldırırıq. Ancaq nədənsə heç bir tədbir görülmür. Bu gün universitet elə bir vəziyyətə düşüb ki, artıq susmaq həm mənəvi cinayətdir, həm də universitetin gələcəyinə xəyanətdir..." "Bu barədə "DİA-AZ"a GDU müəllimləri adından göndərilən müraciətdə deyilir.
MÜRACİƏTİN ƏVVƏLİ BURADA: GDU ilə bağlı ilginc iddialar: Deputatın da adı hallanır... - İTTİHAM VAR...
Müraciətdə daha sonra bildirilir: "İnnovasiyalar Departamenti adı altında yaradılan və içi boş şöbələr isə universitetin büdcəsini parazit qurdlar kimi soran başqa bir kanala çevrilib. Bu departamentin tərkibində fəaliyyət göstərən şöbələrin nə iş gördüyünü heç universitetin özü belə bilmir. Həmin əməkdaşlar kafedralara, dekanlıqlara öz işlərini gördürür, özləri isə günün çoxunu kabinetlərdə video izləməklə, boş vaxt keçirməklə məşğul olurlar. Amma məhz bu “boş şöbələr” professor-müəllim heyətindən iki-üç dəfə çox maaş alır. Kollektiv buna haqlı olaraq sual verir: Universitetin inkişafı üçün çalışan professor yoxsa kabinetdə kofe içib YouTube izləyənlər yüksək maaş almalıdır?
Layihələr adı ilə həyata keçirilən fəaliyyətdə isə vəziyyət daha biabırçıdır. Layihələrə ayrılan milyonlarla manat vəsaitin taleyi tam qaranlıqdır. Bu layihələrdən universitetin bir qəpik belə fayda görməməsi, amma “layihə qrupu” adı ilə eyni şəxslərin ilboyu xarici ölkələrdə turist kimi dolaşması hamını hiddətləndirir. Türkiyə, Yunanıstan, İspaniya, Fransa — bu ölkələr artıq həmin qrup üçün “işgüzar səfərlər” yox, əyləncə marşrutuna çevrilib.
İmtahan prosesi isə ayrıca bir faciədir. Test imtahanlarına tam nəzarət məhz Vasif Həsənovun əlindədir və tələbələr tərəfindən verilən məlumatlara görə, müəyyən ödəniş qarşılığında nəticələr dəyişdirilə bilir. Bu, nəinki universitetin nüfuzunu məhv edir, həm də Gəncə Dövlət Universitetinin diplomunun etibarlılığına ölümcül zərbə vurur.
Akkreditasiya zamanı baş verənlər isə artıq universiteti rəsmi şəkildə risk altına atır. Komissiya gələndə ən güclü, nüfuzlu müəllimlər kənara çəkilir, əvəzində ən zəif, ən hazırlıqsız kadrlar müsahibəyə təqdim olunur. Bu siyahıları da hazırlayan, elə Vasif Həsənovun özü və onun əlaltısı bir vaxtlar Gəncənin icra başçısı Elmar Vəliyevə universitetdən donos ötürən İsmayıl İsmayılovdur.
Onlar, bu zəif, təcrübəsiz müəllimlərin siyahısını komissiyaya verir. Sonra isə rektora deyir ki, görəsən bu siyahını komissiyaya kim verib??? Bu işdə bəzi müəllimləri, kafedra müdirlərini, dekanları günahlandırır. Daha sonra isə bu proses rektora qarşı təzyiq alətinə çevrilir: “Görürsünüz, universitet zəifdir? Mən nə qədər işləyirəm, əlimdən gələni edirəm, amma alınmır, çünki kafedra müdirləri və dekanlar işləmirlər. Problem müəllimlərdədir” Bu, açıq şəkildə manipulyasiyadır.
Daha acınacaqlısı odur ki, Vasif Həsənov müəllim kimi öz vəzifəsini belə yerinə yetirmir. O, İnformatika və cəbr kafedrasının müəllimi olsa da, ömründə bir saat belə dərs keçməyib, dərsləri ya boş qalıb, ya da kafedra müdiri İlqar Cabbarov tərəfindən başqa müəllimlərə əvəz etdirilib. Amma bütün bunlara baxmayaraq, rektor onu tədris işləri üzrə prorektor postuna təyin etdirmək istəyir. Bu, universitet tarixində görünməmiş məsuliyyətsizlikdir.
Universitetdə professor-müəllim heyəti 400–800 manat, Laborant heyəti 350 manat, Vasif Həsənova bağlı dəstə üzvləri 2000 manatdan yuxarı maaş alırlar. Universitetdə kimə nə qədər maaş verilməsi kimi məsələlər bu erməni əsilli şəxsin təklifi ilə həll olunur, professor-müəllim heyətinin maaşları qaldırılmır.
Bu vəziyyət əməkdaşlar arasında ədalətsizliyi artırır və universitetdə sosial gərginlik yaradır.
Biz - Gəncə Dövlət Universitetinin kollektivi – bildiririk ki, universitetimiz bu qaranlıq idarəçilikdən, qeyri-rəsmi təsir qruplarından, qohumbazlıqdan, layihə maxinasiyalarından, imtahan saxtakarlığından və şəxsi maraqlar naminə universiteti girov kimi istifadə edən şəxslərdən təmizlənməlidir.
Bu ali məktəb nə bir şəxsin şəxsi mülküdür, nə də bir qrupun rahat şəkildə maaş alıb gəzmək yeri. Bu universitet Azərbaycan təhsilinə xidmət etmək üçün yaradılıb — amma bu gün onun içi boşaldılıb, nüfuzu yerlə bir edilib, kollektivi isə əsəb və ümidsizlik içində qalıb.
Biz buradan rəsmi qurumlara, dövlət orqanlarına, təhsil strukturuna və bütün ictimaiyyətə səslənirik:
Gəncə Dövlət Universitetində baş verənlər araşdırılmalı, məsul şəxslər barəsində ölçü götürülməli, universitet yenidən şəffaf və ədalətli idarəçiliyə qovuşmalıdır.
Bu həm universitetimizin, həm Gəncənin, həm də Azərbaycan təhsilinin gələcəyi üçün vacibdir..."
Nyus.Az olaraq məqalədə qaldırılan iddialarla bağlı qarşı tərəfin mövqeyini işıqlandlrmağa hazırıq!
Nyus.Az
