[/center]Qonağımız beynəlxalq mükafatlar laureatı, Azərbaycan Yazıçılar və Jurnalistlər Birliklərinin üzvü, teleradiojurnalist ,şair Mübariz Ağaxan oğlu Süleymanlıdır.LAYLA
Anaların nəfəsi,
Tez isidər övladı,
Dünyanın şah nəğməsi,
Ana səsi,layladı.
Layla dadına çatar ,
Övladın hər çağında
Bir məhəbbət boy atar,
Ananın qucağında .
Möcüzəli, şəfalı,
Anaların əlidir,
Unudulmaz, vəfalı,
Baltək ana dilidir.
SƏN NİYƏ ÖZÜNƏ ÖYRƏTİN MƏNİ
Sən niyə öyrətdin özünə məni,
Qəfəsdə çırpınan quşa bənzərəm,
Unutmaq nə qədər çətindir səni,
Dərdindən dəlitək tənha gəzərəm!
Sən niyə özünə öyrətdin məni,
Sən küsüb gedəndən mən , mən deyiləm !
Mən necə yadımdan çıxarım səni ,
Bəlkə tənhalıqan mən şən deyirəm!
Sən necə öyrətdin özünə məni,
Ruhum da,canım da, hey yanındadır!
Çəkdiyim əzablar çox üzür məni,
Yediyim ən şirin bal zəhər dadır!
Sən necə öyrətdin məni özünə,
Nə dilim məndədir,nə də ki,sözüm!
Gözlərim baxmayır kimsə gözünə,
Sənsiz yaşamağa mən necə dözüm !
DAYAN
Dayan ! Ey ömrümün amansız vaxtı..!
Dayan ki, dünyaya sözümü deyim.
Dayan,nakamların yarımçıq baxtı ...
Dayan ki ,xoşbəxtlik köynəyin geyim,
Dayan ki, yolumla gedim birazca...
Bir azda həyatın dadından dadım...
Əzabla, ,zillətlə sıxmısan məni.
Yadımdan çıxıbdı halalca adım,
Dayan! Zamanımın dəlisov atı !
Onsuzda insafın mürvətin yoxdur,
Mübariz sevmədi belə həyatı ?!
Axı tale yükü çiynimdə çoxdur ...
B İ L M İ R Ə M
Əynimdə bir yırtıq çuxa,
Gəlləm yoxuş çıxa-çıxa.
Dünya adlı alaçığa,
Mən sahib ola bilmirəm.
Gördüm dostu, kirvəni də,
Badalağı, zərbəni də...
Mən lap uca zirvəni də,
Alınmaz qala billmirəm.
Ömrüm-günüm döyüş, cəngdir,
Ruhum göydə çərpələngdir.
Mənimki şirdir, pələngdir,
Mən tazı, tula bilmirəm
Ulayıram bir qurd kimi,
Qocalıram Qorqud kimi,
Hərdən qara bulud kimi,
Dolub boşala bilmirəm,
Dərddir o yanım, bu yanım,
Yoxdur həyanım, duyanım
Mən özümü bu dünyanın,
Yadına sala bilmirəm.
MƏNSİZ
Yaşadığın ən uca dam,
Ən çox sevdiyin bir adam,
Bir gün sənə deyər,yadam
Nazlı sənəm ,gözü badam,
Gedər bir gün ,qalar sənsiz .
Verən yoxsa bir təsəlli
Ömür yolu olmaz bəlli,
Gözəl,göyçək şirin dilli
Tənha qalıb solar sənsiz
Zalımda heç olmaz vəfa
Xəbis adam tapmaz şəfa
Ömür boyu çəkər cəfa
Boyun büküb ölər sənsiz
Namərdin olmaz ürəyi,
Hey qurar, hiylə,kələyi,
Dizinin üstə çörəyi,
Halal malı bölər sənsiz
Ad da, san da ,şöhrət də,
Dil də,söz də,hikmət də,
Mal da,mülk də,sərvət də
Bir gün səndən gedər mənsiz
SÖZ OLSUN GƏRƏK
Başında papağın, altında atın,
Məqsədin, niyyətin düz olsun gərək.
Könlünü ram etsin ağıllı qadın
Sevincin, xoş günün yüz olsun gərək
Yediyin çörəyi etməsin zəhər,
Üzünə açılsın hər gün xoş səhər,
Canında qüvvətin,dizində təpər,
Kişitək hər sözün söz olsun gərək
Tanısın yerini, bilsin həddini
Qoymasın bükülə ər tək qəddini,
Aşmasın heç zaman sözün səddini
Küsüb barışmağa üz olsun gərək.
Gərəkdir nazını sən də çəkəsən,
Qayğıya, diqqətə, eşqə bükəsən.
İzi düşən yerə güllər əkəsən,
Atdığın hər addım öz olsun gərək.
SEVƏCƏYƏM
Belə getsə, ay gözəlim,
Mən beləcə öləcəyəm.
Mən çəkəni duya bilsən,
Sənlə dərdi böləcəyəm.
Oxuyuram gözlərindən,
Sən sussanda biləcəyəm .
Tuta bilsəm əllərindən,
Göz yaşımı siləcəyəm.
Bu həsrətə, intizara,
Nə sözüm var deyəcəyəm.
Əyər yetişsək vüsala,
Mən danışıb, güləcəyəm.
Dönürəm eşqin başına,
Oda düşən pərvanəyəm.
Yandırsa da ahım məni
Ruhən sənə gələcəyəm.
ÖLMƏK UNUTMAQ DEYİL
Mələklər yerə enər
Sarıl boynuma yenə
Küsənlər geri dönər
Gülüm bunu yaxşı bil
Ölmək unutmaq deyil.
Olsa tufan,boran, qış,
Qəlb üşüdən hər baxış
Gəl könlümə bir yığış
Ay insafsız bunu bil,
Ölmək unutmaq deyil.
Yoldan çəkilməz gözün
Susar dilində sözün
Mənsiz heç gülməz üzün
Dünya vəfasızdır bil
Ölmək unutmaq deyil.
Üzər səni qəm kədər
Həsrət qəlbini didər
Zalım olma bu qədər
Ömrüm-günüm bunu bil,
Ölmək unutmaq.deyil
Ruhun ruhumu gəzər,
Təklik səni hey üzər,
Demə ki qəlbin dözər
Canım-gözüm bunu bil,
Ölmək unutmaq deyil.
Dolan eşqin başına
Qərq olma göz yaşına
Ağlama boş-boşuna
Ay zalım sən bunu bil
Ölmək unutmaq deyil.
ÇAĞIR MƏNİ
Sən mənim,ehh... Tanrı payım,
Bir dənəmsən ömrüm-günüm!
Nəyə lazım, söylə küsmək,
Hər bir ömrün ,sonu ölüm..!
Mən kimə ,nələri deyim,
Eşq, sinədə iki ,candır!
Anla, bunu canım-gözüm,
O, ülvi, bir uca andır !
Paklıq eşqin həsrət yolu,
Çətin olar, qəmli olar!
Həyatımız sevinc dolu..
Sevən gözlər nəmli olar !
Səndə dözün varsa söylə,
Lal baxışlar üzər səni !
Bir azca günah eyləsən,
Kənar gəzmə , çağır məni
Gülüm məni bir az dinlə,
Mən nə deyim ,üzün gülsün.
Bir az danış, susma , mənlə,
Mübariz də deyib - gülsün !
Hərdən birdən qara geyib,
Göz yaşını sıxma boşa !
Day can deyib , can eşidək,
Uzun ömrü mənlə yaşa !
Y U R D
Daş üstə daşı tarix,
Qədimdir ,yaşı tarix,
O baş bu başı tarix,
Bir müqəddəs eldi yurd
Babaların ər səsi,
Nənələrin nəğməsi,
İnsanlığın nəfəsi,
Nə şirin bir dildi yurd.
Namus,qeyrət,arımız,
Əhdimiz, ilqarımız,
Hər zaman vüqarımız,
Kürəklənən beldi yurd.
Sobası sıcağımız,
Andımız ,ocağımız,
Ən isti qucağımız,
Qucaq açan əldi yurd.
BİR AZ DA DOST CANLIYAM
Bir az əskim tüstülü
Bir az dəliqanlıyam.
Bir az sözüm ütülü
Bir az istiqanlıyam
Binadan gözü toxam,
Haqsız bir sözə yoxam,
Suçum yox ondan qorxam,
Sözü düz ünvanlıyam.
Bir az özündən küsən,
Kədərə,qəmə dözən,
Nahaqdan kənar gəzən,
İnsanam,imanlıyam
Şairəm öz dəmim var,
Əlimdə qələmim var,
Bir az söz aləmim var,
Bir az da dost canlıyam.
Kəsər vardır sözümdə,
Təpər vardır dizimdə,
Öz yolumda-rizimdə,
Əsl Azərbaycanlıyam.
