Ukrayna Silahlı Qüvvələri gün ərzində Nikolayevdən Baştanka şəhəri istiqamətində gedən Rusiya hərbçilərinin kolonunu məhv edib. Bu barədə UNİAN Kirovoqrad bölgəsinin dövlət administrasiyasının rəhbəri Mariya Çernaya istinadən məlumat yayıb.
"Rusiya hərbi kolonu Baştankaya çatıb və orada şiddətli müqavimətlə üzləşib. Burada onu bizim təyyarələrimiz bombalayıb. İşğalçılar Yeni Buqa tərəf qaçıb. Lakin bu onlara kömək etməyib. Ukrayna Silahlı Qüvvələri qalan hissəsini atəşə tutaraq yandırıblar", - o vurğulayıb.
Onun sözlərinə görə, Baştanka sakinləri Rusiya hərbçilərindən iki zirehli transportyorunu götürüblər.
Qeyd edək ki, Youtube-da yandırılan hərbi texnikanın videosu yayılıb.
virtualaz.org
