“Dəryaz” qəzetinin redaksiyası Abşeron rayonunun Masazır qəsəbəsi sakini Mirzəyeva Gülnarə Zeynalabdin qızının şikayəti əsasında ona sələmlə pul vermiş şəxslər tərəfindən təhdid olunmasına dair məlumatları qəzetin “Deryaz.az” veb-saytında ictimailəşdirmiş və aidiyyəti üzrə hüquq müstəvisində araşdırılması üçün Daxili İşlər Nazirliyinin Mütəşəkkil Cinayətkarlığa Qarşı Mübarizə Baş İdarəsinə, Goranboy Rayon Polis Şöbəsinə məktublarla müraciət etmişdik.
Məsələ ilə bağlı vətəndaş G.Mirzəyevanın redaksiyamıza verdiyi növbəti məlumata görə, onu təhdid edən sələmçilərdən biri də Nizami rayonu ərazisində yaşayan, (Xudafərin şadlıq sarayının və Amazon kafesinin yaxınlığında yaşayan, Tel:055-970-30-35) Cəfərov Bəhruz Yaqub oğludur. G.Mirzəyevanın sözlərinə görə, Bəhruzdan 85000 (səksənb beş min) manat borc pul alıb, sələmlə birlikdə 177000 (bir yüz yetmiş yeddi min) manat qaytarıb. Buna baxmayaraq, Bəhruz ondan əlavə olaraq 128000 (bir yüz iyirmi səkkiz min) manat pul tələb edir. Bəhruz həmin pulu Gülnarənin qardaşı Vüqardan tələb edir və istəyinə nail olmaq üçün Vətən müharibəsi qazilərindən istifadə edir. Belə ki, Bəhruzun səfərbər etdiyi qazilər qrup halında Vüqarın sahibkarlıq fəaliyyəti ilə məşğul olduğu “Eurohome” ticarət mərkəzinə gələrək Vüqarın onlara 128000 manat pul borcu olduğunu bildirmiş və tələb etmişlər. Bu hal təbii ki, ticarət mərkəzinin rəhbərliyini də narahat etmiş və məsələdə heç bir günahı və təqsiri olmayan Vüqara xəbərdarlıq edilmişdir ki, problemi yoluna qoysun.
G.Mirzəyeva bildirir ki, əgər Bəhruz onu özünə borclu hesab edirsə, şikayətini hüquq-mühafizə orqanlarına bildirməliydi, daha işə aidiyyəti olmayan Vüqarı narahat etməməliydi. Görünür, Bəhruz yaxşı başa düşür ki, əsassız istəyini hüquq müstəvisində həyata keçirmək şansı yoxdur. G.Mirzəyeva həmçinin şübhələnir ki, problemin çözülməməsində Bəhruzun daxili işlər orqanlarında işləyən qardaşı Yasin Yaqub oğlunun da əli vardır.
Bu günlərdə isə məlumat aldıq ki, Bəhruz ətrafına bir neçə şüvən qadınları və qoçu dəstələrini yığaraq Gülnarənin kirayə qaldığı evə gedərək əlindəki bıçaqla ona xəsarət yetirmək istəyib. Qonşular və qohumları buna mane olduqda o, Gülnarə Mirzəyevanı küçə söyüşləri ilə təhqir və təhdid edib
Redaksiya olaraq bu nüansı araşdırmağa çalışacağıq.
Deryaz.az
