İsveçrənin ikinci ən böyük bankı olan "Credit Suisse" 2022-ci ildə çox təlatümlü dövr keçirdi və ciddi reputasiya itkisinə məruz qaldı. Aktivlərinin və likvidlik əmsalının yüksək məbləğinə baxmayaraq, reputasiya itkisi həm də müştərilərin itirilməsinə səbəb oldu. Bu isə öz növbəsində 2022-ci ildə bankdan nağd pul axının artmasına yol aşdı.
2022-ci ildə təqribən 8 milyard dollar zərər açıqlayan "Credit Suisse" illik hesabatını dərc etmədi və müştəri etibarının azalması da banka qarşı sual işarələrini artırdı. Bu isə bankın mövcud risk xalının (CDS) yüksələrək 574 çatmasına yol açdı. Səhmlərinin qiymətinin 20% dəyərində düşməsi ilə Avropa birjaları 3 % miqdarında eniş yaşadı. "STOXX Europe" 600 endeksi isə gözlənilmədən 6% dəyərində eniş yaşadı. Bu da öz növbəsində "Credit Suisse" səhminin qiymətinin rekord səviyyədə 1.72 franka eniş etməsiylə nəticələndi.
Bazarlar da risk səviyyəsinin yüksəlməsi fonunda FED, ECB və BOE tərəfindən bazarı tənzimləyici müxtəlif aspektli açıqlamalar verilməkdədir. Hər şeyin sürətlə dəyişməsi fonunda, hədəflərin mərkəzi bankların faiz artımından bank sektorunda yeni böhrana çevrildi. "Credit Suisse" səhmlərindəki itki banklarda qorxunu artırarkən, faiz artımının olmayacağı gözləntiləri də gündəmə gəldi. Bu isə öz növbəsində bank sektorunda faiz artırımlarındakı qiymətləndirmədən çox, mövcud vəziyyətin böhrana çevrilməsi ilə bağlıdır.
Əgər "Credit Suisse" səhmlərindəki bu volatil hərəkətlər davam edərsə, bazarlara mərkəzi banklar tərəfindən ciddi müdaxilələr gələ bilər. Mərkəzi bankların müdaxiləsi fonunda isə bu volatil hərəkətlər nisbi olaraq sakitləşər və dünya yeni iqtisadi böhranın başlanğıcından qayıda bilər.
Fərhad QURBANOV
Maliyyə eksperti
//milli.az//
