[/center]ABŞ administrasiyası yaxın 24 saat ərzində İrana hərbi zərbə endirə bilər.
Nyus.Az xəbər verir ki, bu haqda "Reuters" yüksək rütbəli avropalı məmura istinadən məlumat yayıb.
İsrail rəsmisi də öz növbəsində iddia edir ki, ABŞ Prezidenti Donald Tramp zərbələrlə bağlı artıq qərar verib, lakin onların dəqiq miqyası və vaxtı hələ də müəyyənləşdirilir.
ABŞ rəsmiləri gərginliyin artması səbəbindən Yaxın Şərqdəki əsas bazalarından (xüsusilə Qətərdəki Əl-Udeid bazasından) bəzi heyət üzvlərini çıxarmağa başlayıblar.
Tehran administrasiyası Türkiyə, Səudiyyə Ərəbistanı və BƏƏ kimi qonşu ölkələrə xəbərdarlıq edib: "Əgər ABŞ bizim ölkəmizə zərbə endirmək üçün sizin torpaqlarınızdakı bazalardan istifadə etsə, biz həmin bazaları birbaşa hədəf alacağıq."
Ölkədəki etirazlar 1979-cu il İslam İnqilabından bəri görülmüş ən şiddətli üsyan kimi qiymətləndirilir. Hüquq müdafiəçilərinin məlumatına görə, toqquşmalarda artıq 2600-dən çox insan həyatını itirib, 18 mindən çox insan həbs edilib.
Qeyd edək ki, İranın xarici işlər naziri Abbas Araqçı ilə ABŞ-ın xüsusi nümayəndəsi Stiv Vitkoff arasındakı birbaşa əlaqələr tamamilə dayandırılıb. Bu isə diplomatik həll yolunun çətinləşdiyini göstərir.
Qərb rəsmiləri bildirirlər ki, İranın təhlükəsizlik qüvvələri hələ də ölkə daxilində nəzarəti saxlayır və hökumətin dərhal devrilməsi gözlənilmir. Lakin ABŞ-nin yaxın 24 saat ərzində hərbi müdaxilə edə biləcəyi barədə kəşfiyyat məlumatları var.//Milli.Az//
Nyus.Az
