Bu gün futbol üzrə Azərbaycan Premyer Liqasında XVIII tura yekun vurulacaq.

Nyus.Az goal.az-a istinadən xəbər verir ki, sonuncu oyun günündə də iki görüş baş tutacaq.

Öncə qeyri-sabit mövsüm keçirən iki komanda - "Sabah" və "Səbail" üz-üzə gələcək.

Turun qapanış matçında isə lider "Qarabağ" "Sumqayıt"la münasibətlərinə aydınlıq gətirəcək.

Xatırladaq ki, ilk oyun günündə "Qəbələ" evdə "Neftçi"yə 0:2 hesabıyla uduzubsa, "Keşlə" "Zirə"yə 4:0 qalib gəlib.

Azərbaycan Premyer Liqası

XVIII tur

23 fevral

"Sabah" - "Səbail"


Hakimlər: Vüqar Həsənli, Mübariz Haşımov, Elşad Abdullayev, Rəhim Həsənov.

Masazır. "Bank Respublika Arena", 16:00.

"Qarabağ" - "Sumqayıt"

Hakimlər: Rəvan Həmzəzadə, Vüqar Bayramov, Cavanşir Yusifov, Orxan Məmmədov.

Bakı. Tofiq Bəhramov adına Respublika Stadionu, 18:00.

Nyus.Az