İstanbulun Fatih məhəlləsində fahişəliklə məşğul olanlara qarşı növbəti əməliyyat keçirilib. Virtualaz.org Türkiyə mətbuatına istinadən xəbər verir ki, əməliyyat nəticəsində qadınları fahişəliyə məcbur edən şəxslər saxlanılıb.

Polis əməkdaşları əvvəlcədən məlum olan ünvanda araşdırma zamanı A.Ö. və M.K. adlı şübhəliləri saxlayıblar. Hər iki şəxs qeyd olunan ünvana 200 lirə pul qarşılığında qadınla görüşmək məqsədilə gəldiklərini etiraf ediblər.

Evdə isə əməliyyatçılar pul qarşılığında fahişəliyə cəlb olunmuş azərbaycanlı H.Zeynəblə ilə qarşılaşıblar. Həmin vaxt telefonla əlaqə saxlayıb özünü “Ebru” kimi təqdim edən şəxs əməliyyatçılara 10 min lirə rüşvət təklif edərək şübhəliləri buraxmağı təklif edib. Özlərini şərti qəbul edirmiş kimi göstərən polis əməkdaşları pulu almaq üçün Yedikule məhəlləsindəki görüş yerinə gəliblər.

Burada özünü “Ebru”nun göndərdiyi şəxs kimi təqdimedən Cəlal Y. ilə pulu gətirən Mehmet E. saxlanılıb. Hər iki şəxsin ifadəsi alınıb, barələrində “fahişəliyə məcbur etmə, araçılıq, yer təmini və məmura rüşvət vermə” maddələri ilə cinayət işi açılıb. Hazırda polis özünü Ebru kimi tanıdan qadının saxlanması üçün axtarışlara başlayıb.

Nyus.Az