2020-ci ildə bizi OLED ekranlı dörd smartfon gözləyir.
Apple smartfonların istehsal strategiyasına dair köklü dəyişikliklərə qərar verib.
Nyus.Az ted.az-a istinadən bildirir ki, bu barədə JPMorgan-dan analitik Samik Çatterci (Samik Chatterjee) danışıb.
Mənbənin məlumatına görə, 2021-ci ildən başlayaraq Apple ildə bir dəfə yeni iPhone xətti təqdim etmək ənənəsini dəyişəcək. Bunun əvəzinə, bizi ilin birinci yarısında iki yenilik, ikincisində isə daha iki yenilik gözləyir.
Bu, Apple-ə bütün il boyu yeni smartfonlar istehsal edən rəqiblərlə bazarda daha yaxşı rəqabət aparmağa, həmçinin potensial səhvləri düzəltməyə imkan verəcək. Çünki dizaynı daha tez-tez dəyişmək mümkün olacaq.
2020-ci ilə gəldikdə isə Çatterci burada da sürprizlər proqnozlaşdırır. Digər analitiklər gələn ilin payızında yalnız üç model proqnozlaşdırırdılarsa, Çattercinin sözlərinə görə, bizi sentyabr ayında dörd iPhone gözləyir. Onların hamısı OLED panelinə sahib olacaq və beşinci nəsil 5G mobil şəbəkələrini dəstəkləyəcək.
İPhone 12-nin gözlənilən iki kiçik modelinin 5.4 və 6.1 düym diaqonal ekranlı və ikili kameralı olacağı gözlənilir. İki böyük iPhone 12 Pro və iPhone 12 Pro Max modelləri 6,1 və 6,7 düymlük diaqonal ekranları, eləcə də 3D ətraf mühit skanerini dəstəkləyən üçqat kameralar və genişlənmiş reallıq ilə işləmək üçün böyük imkanlar əldə edəcəklər. 5G dəstəyinə gəldikdə, böyüklər mmWave tezliyinə dəstək alacaq, kiçiklər isə 6 GHz-dən aşağı olan tezlik diapazonu ilə məhdudlaşacaqlar.
Nyus.Az
