Afinanın şəhərinin Elefterios Venizelos beynəlxalq aeroportu 2018-ci ildə 24 milyon sərnişinə xidmət göstərib.
Nyus.Az AZƏRTAC-a istinadən bildirir ki, bu, Yunanıstan əhalisinin sayından iki dəfə çoxdur. Rəsmi mənbələrə görə, ölkə əhalisinin sayı 10,77 milyon nəfərdir.
2001-ci ildə istifadəyə verilən Afina aeroportu il ərzində sərnişindaşıma qabiliyyətinin 90 faizi həcmində fəaliyyət göstərib. Sərnişinlərin sayının daha da artması aeroportun yenidən qurulmasını zəruri edir. Buna görə də 2046-cı ilə kimi nəzərdə tutulan müqavilə imzalanıb. Avropa Komissiyası tərəfindən təsdiq olunmasına baxmayaraq, Yunanıstan parlamenti müqaviləni hələ də ratifikasiya etməyib. Sənəd imzalanana qədər aeroportun modernləşdirilməsi və genişlənməsi layihələri həyata keçirilməyəcək.
Nyus.Az
