Məşhur Hollivud rejissoru Vudi Allenin keçmiş sevgilisi etirafları ilə gündəmi zəbt edib.

Nyus.Az "ölkə.az"-a istinadən bildirir ki, keçmiş model 16 yaşı olanda cinsi münasibətə girdiklərini və bu münasibətdə başqa şəxsin də iştirak etdiyini etiraf edib.

Kristina Engelhardt bildirib ki, 16 yaşı olanda Vudi ilə cinsi əlaqəyə girib və bu münasibət 8 il davam edib. İndi 59 yaşı olan Kristina 16 yaşı olanda 41 yaşı Vudi ilə görüşməyə başlayıb. 83 yaşlı rejissor barədə Kristina "Hollywood Reporter"ə müsahibə verib.

"Vudiyə hücum etmirəm. Açıqlamalarım bir insanı gözdən salmaq üçün deyil. Sevgi hekayəmdən danışıram. Bu məni olduğum insan edir. Peşman deyiləm. 1976-cı ildə Nyu-Yorkda bir restoranda ona telefon nömrəmi verdim və tanış olduq. Bir neçə gün sonra mənə zəng etdi və evinə çağırdı. Vudinin "Central Park" yaxınlıqdakı evində tez-tez görüşməyə başladıq.

Evin pərdələri bağlı idi. Mənzərə yaxşı deyildi. Onsuz da ora mənzərə üçün getmirdim. Bir müddət sonra Vudi iki qadın da gətirdi və birlikdə yatağa girdik.

Münasibətlərimizin dördüncü ilində məni Mia Farrou ilə tanış etdi və "sevgilimdir" dedi. Mən şoka düşdüm. Allen ilə birlikdə olsam da, o, Farrou ilə də görüşürdü", - deyə keçmiş model bildirib.

Mianın qızı Daylan isə bu ilin əvvəlində ögey atası Vudinin ona uşaq olarkən zorakılıq etdiyini, bu səbəbdən cəzalandırılmasını istədiyini bildirmişdi. Vudi isə iddiaları yalanlayaraq "Qızıma heç vaxt cinsi zorakılıq etməmişəm" demişdi.

Nyus.Az